بغلان ولایتی نینگ پولیس قومندانلیگی اوستیگه اویوشتیریلگن هجوم دن بیر کون اوتگنیدن سونگ، مذکور ولایت والیسی احمدفرید بسیم خبری بیر ییغین اوتکزیب ایتیشیچه، پولیس قومندانلیگی اوستیگه اویوشتیریلگن هجوم پاکستان استخباراتی تشکیلاتی «آی،اس،آی» تامانیدن ریجهلشتیریلگن.
بغلان والیسی آگاهلنتیریب ایتیشیچه، امنیتی کوچلر تیزلیککه طالبان گروهی دن انتقام آلهدی و بو گروه گه قرشی حربی عملیات یولگه قوییلهدی. جناب بسیم گه کوره، بو هجوم ده 18 پولیس هلاک ایتیلگن و باشقه کمیده 50 حربی و تینچ اهالی یرهلنگن.
طالبان گروهی اوشبو هجوم مسؤولیتی نی بوینیگه آلگن.
اوتگن کون «یکشنبه، 15- ثور» توش چاغی ساعت 12 اطرافیده، آغیر و یینگیل قوراللر و پارتلاوچی واسکتلر بیلن جهازلنگن بیرقطار هجومچی بغلان پولیس قومندانلیگی نینگ بِناسی برابریده پارتلاوچی ماده توله بولگن بیر موترنی پارتلهتیب قومندانلیک که کیرگنلر و نیچه ساعت امنیتی کوچلر بیلن اوروشگن.
ایچکی ایشلر وزیرلیگی بیر خبرنامه ترقهتیب هجومچیلر 8 کیشی بولگنی و برچه سی امنیتی کوچلر تامانیدن اولدیریلگنینی ایتگن.
ایچکی ایشلر وزیرلیگی نینگ ایتیشیچه، بو هجوم ده 13 حربی عسکر هلاک و باشقه 35 حربی شامل 55 کیشی یرهلنگن.
بیراق، بغلان ولایتی نینگ ساغلیقنی سقلش ریاستی دن آتی فاش ایتیلیشی نی ایستمهگن بیر منبع نینگ سلاموطندارگه ایتیشیچه، واقعه یوز بیرگن محل دن دولتی کوچلرنینگ 21 جسدی و 14 عیال و 4 باله شامل 66 یرهدار کسلخانهلرگه انتقال بیریلگن.
شونینگدیک، جمهورلیک ریاستی بیر خبرنامه ترقهتیب اویوشتیریلگن هجومنی قارهلگن و بو واقعهنی کته بیر جنایت دیگن.
جمهور رئیس غنی دن نقل قیلینیب جمهورلیک ریاستی خبرنامهسیده کیلیشیچه، «ترورچیلر مبارک روزه آیی نینگ بیرینچی کیچهسیده هم قانلی بیر جنایت گه قول اوریب و بو مملکت نینگ باتور فرزندلریدن بیرقطاری نی حیاتی گه نقطه قویگن.»
جمهور رئیس محمداشرف غنی نینگ اورغولشیچه، گناهسیز کیشیلرنی اولدیریلگنلر و عامهوی قوریلمهلرگه زیان ییتکیزگنلردن امنیتی کوچلر انتقام آلهدیلر.
شو توغریده…
بغلانده اویوشتیریلگن هجومده 4 کیشی هلاک و باشقه کمیده 50 کیشی یرهلنگن
