بادغیسده ملی اردونینگ اون حربیسی طالبان آرقهلی اوغیرلنگن. بادغیس ولایتی نینگ محلی مسووللری، حادثه جمعهدن شنبهگه اوتر کیچهسی ولایت نینگ آبکمری تومنیده یوز بیرگن دیدیلر.
بادغیس آبکمری تومنی نینگ حاکمی میرزاعلی بیدار، تومندهگی ملی اردو عسکرلریدن بیری منطقهدهگی قوراللی طالبلرنینگ اسحاق پهلوانناملی قوماندانی بیلن تیل بیریکتیریب، کیچه ملی کوچلر پوستهسیگه هجوم قیلیب اون عسکرنی بوتون حربی جهازلری بیلن آلیب کیتگن دیدی. ایتیلیشیچه، اوشبو حربیلر قرارگاه نینگ قوریقچیلری بولگن.
آبکمری تومنینینگ حاکمی، حربی قرارگاهدگی 8-10 عسکر صفداشلریدن بیرینینگ همکارلیگی بیلن جنگری طالبان تامانیدن اوغیرلنگن دیگن.
خبرنی تصدیق ایتگن ولایت والیسی نینگ سوزلاوچیسی ظاهر بهاند، قرارگاهده ملی اردونینگ 8 حربیسی موجودلیگینی تیلگه آلگن. اونینگ سوزلریگه قرهگنده، اوغیرلنگن حربیلرنینگ تقدیری هنوز معلوم ایمس. لیکن، حادثهنی یاروتیش اوچون پولیس آرقهلی سعی وحرکت باشلنگن لیگی ایتیلهدی.
قوراللی طالبلر تامانی هنوزگچه بو خصوصده بیرار نرسه دیمهگن.
