بوگون سناکینگشینینگ اعضاسی عمومی اولتیریشلریده حاضرگی حکومت وضعیتیدن خواطر بیلدیریب ایتیشلریچه، ملی بیرلیک حکومت باشلیغلری اولکه ادارهسیگه کوچلری ایتمسلیگگه متهم قیلهدیلر.
بوکینگش اعضاسی، اولکه حاضرگی قیینچیلیکلری جمهور رییس و اجرایی رییس ارا پیدا بولگن قرمه قرشیلیکلردن کیلیب چیقهدی.
کینگش اعضاسیگه کوره، کوپینچه ولایت امنیتی وضعیتی یمان بولیشی، ایش سیزلیک درجهسی یوقاری کیتیشی و اقتصادی قیینچیلیکلر خلقنی حکومتدن فاصله آلیشیگه سبب بولگن و اهالی آرهسیده تورلی ایشانچ سیزلیکلرنی توغدیرگن.
سناکینگشی باشلغی فضلهادی مسلمیارنینگ ایتیشیچه، اوشنده یکه آلدینگی حکومت، ملی بیرلیک حکومت باشلیغلریگه حکومتدارلیک چارچوبه سینی تاپشیردی؛ اما بو رهبرلر اوندن یخشی ایش آله آلمهدیلر.
سناکینگشی نینگ عضوی نثاراحمد حارث هم حاضرگی حکومت خلق فریادیگه توجه قیلمه گنلیگی اوچون قاره لیدی. اونینگ کوپه یتیریشیچه، نظامنی اورتهدن ایلتیش اوچون کیشیلر بیل باغله گن.
اماجمهور رییس سوزلاوچیسی اورین باسری سیدظفر هاشمی نینگ سلاموطندارگه ایتیشیچه، بیرسیاسی نظام ایچیده قرمه قرشیلیکلر حادی مساله بولهدی و جمهور رییس و اجرایی ریاست باشلیغی قرمه قرشیلیگی اولکه امنیتی اوچون سلبی تأثیر تشله میدی. اونگه کوره، افغانستان امنیتی ملی موضوعلردن بیری بولگن و رهبرلرقرمه قرشیلیگیگه تیگیشلی ایمس.
جمهور رییس سوزلاوچسی اورین باسریگه کوره، اولکه سونگی ناتینچلیکلری جنگریلر اوروش طرزینی اوزگرگنی و افغانستانده «تشقی تروریستلر» کیلگنلیگی ایتیلهدی.
جناب هاشمینینگ کوپهیتیریشیچه، تشقی تروریستلر قوشنی اولکه لرنی تهدید ایتیش اوچون افغانستان امنیتی نی بوزگن.
شونینگدیک اجرایی ریاست سوزلاوچیسی اورین باسری جاوید فیصل سناکینگشی نینگ سوزلری باره سیده بیرنرسه دیمه دی.
سیلاونظامیگه اصلاح کیرتیش، کمیسیون ایشی باشله نیشی اوچون باشلیغ تنلش و مدافعه وزیرینی معرفی بولمه گنلیگی جمهور رییس بیلن اجراییه باشلیغی ارا بولگن قرمه قرشیلیکلرنی کورستهدی.
