امیریکه لوئیزیانای ایالتی لافایت شهریدهگی سینماده بیر 58 یاشر کیشی قورالی بیلن ایکی کیشینی اولدیریب و باشقه 7 کیشینی یرهلنتیردی. او، پولیس بیلن توقنشگندن کیین اوق اوزیب اوز حیاتیگه نقطه قویگن.
ایتیلیشیچه، واقعهده یرهلنگنلر بیرقطارینینگ احوالی آغیر گزارش بیریلگن.
پولیس رسمیلریگه کوره، هجومچی کیشینینگ کیملیگی انیقلنگن، بیراق اولر بو توغریده میدیاگه معلومات بیرمهگن. عین حالده، حاضرگه قدر بو واقعه سببی بیللی بولمهگن.
تشقی میدیا گزارشیگه کوره، بو واقعه (بوگون ایرتهلب ساعت تورت یریم) و محلی پیت ساعت 7 ده (ترین رک) فلمی مذکور ایالت سینمالریدن بیریده کورگزمه گه قوییلگن چاغیده یوزبیرگن.
انچه پیتلردن بویان امیریکهده ناقانونی قوراللی کیشیلر هجومی کوپیماقده.
انچه وقت آلدین تورت کیشی مذهبی قرهمه قرشیلیکلر باعث، مذکور مملکتده هلاک بولگن ایدی و اوندن آلدین بیر یاش باله چارلستون شهریدهگی کلیساده هجوم اویوشتیریب 9 کیشینینگ هلاک ایتکن ایدی.
شونینگدیک، بوندن اوچ ییل آلدین مذکور مملکت کلورادوی ایالتیده یوزبیرگن حادثه ده بیر قوراللی کیشی سینماده اوق آچیب 12 کیشینی اولدیرگن ایدی.
بو واقعهلر شوندهی بیرحالده یوزبیرهدی کیم، امیریکه جمهور رییسی باراک اوباما، میدیادن بیری بیلن اوتکزگن صحبتیده، جمهورلیک ریاستی دورانیده اینگ کته ناکام لیگیدن بیری قورال توغریسیدهگی قانوننی اوزگرتیریلمسلیگی دیگن.
دیمک امیریکه جمهور رییسی، قورال قانونینی اوزگرتیریش اوچون تکرار صورتده سعی و حرکت قیلگن، بیراق بو سعی و حرکتلر حاضرگچه مذکور مملکت کنگرهسی تامانیدن نتیجهسیز قالگن.
