بلخ تومن ولسوالی گلبازخان ناصری نینگ سلاموطندارگه ایتیشیچه، اوشبو هجوم بوگون (شنبه ۴- سنبله) ایرتهلب ساعت ۹ اطرافیده مذکور تومن مرکزی اردو کوچلری نینگ بیر پوستهسینی یقیینلیگیده یوزبیرگن.
بیراق بلخ پولیسی سوزلاوچیسی عادلشاه عادل نینگ سلاموطندارگه ایتیشیچه، بو هجوم مذکور تومن مرکزیدهگی کماندو قطعهسیده یوزبیرگن.
مملکت شمالیده ۲۰۹ شاهین قول اردو قومندانلیگی سوزلاوچیسی حنیف رضایی نینگ ایتیشیچه، مذکور حادثهده بیر کوماندو هلاک و باشقه ۶ کماندو یرهلنگن. اونگه کوره، شونینگدیک بو هجومده ۳۰ دن آرتیق تینچاهالی یرهلنگن.
بیراق بلخ ولایتیدن ساغلیک بیر منبع آتی فاش ایتیلیشی نی ایستمهی سلاموطندارگه ایتیشیچه، اوشبو هجومده ۱۱ کیشی هلاک و باشقه ۶۰ کیشی یرهلنگن.
منبع گه کوره، حادثه قربانیلری آرهسیده عیاللر و بالهلر هم شامل دیر.
بوندن آلدین بلخ ولایتیدن ایشانچلی بیر منبع نینگ سلاموطندارگه ایتیشیچه، اوشبو هجوم ۴ آی آلدین کماندو کوچلری جایلشگن چاروا کلینیکی ده یوزبیرگن.
شونینگدیک مدافعه وزیرلیگی بیر خبرنامه ترقهتیب ایتیشیچه، بوگون ایرتهلب بم جایلشتیریلگن مازدا تیپلی بیر موتر بلخ ولایتی بلخ تومنی نینگ چاروا کلینیکی یقیینلیگیده یشش اویلر آرهسیده پارتلهگن.
مدافعه وزیرلیگی نینگ خبرنامهسیده کیلیشیچه، بو حادثهده بیر کوماندو و ایکی تینچاهالی هلاک و شونینگدیک ۶ کماندو و ۱۴ تینچاهالی یرهلنگن.
اوشبو وزیرلیککه کوره، حادثه قربانیلری نینگ رقمی کوپهیشی ممکن.
مذکور هجومده اونلرچه یشش اوی تخریب بولگن.
حادثه مسئولیتی نی طالبان گروهی بوینیگه آلگن.
