مملکت ملی خوفسیزلیک باشقرمهسینینگ رییسی، مملکت شمالشرقی و ننگرهار ولایتلریده داعشنی نابود قیلیش حکومتنینگ بیرینچی ایشی بولگنی اوچون قندوزده ملی کوچلر سانی آز قالگنی باعث بو ولایت ایکینچی مرته سقوط قیلیشیگه زمینه بولدی دیگن.
بوگون (دوشنبه) سنا مجلسی نینگ ایچکی و مدافعهوی کیمتهسینینگ اعضالریگه جواب بیریش اوچون اوتکزیلگن ییغینده سوزلهگن مملکت ملی خوفسیزلیک ادارهسی باشلیغی معصوم استانکزی، قندوز قوراللی طالبلر تصروفیگه اوتیشی اوچون ولایت اهالیسیدن عذر سورهگن.
جناب استانکزیگه کوره، افغان ملی کوچلری جاری ییل باشلهنیشی بیلن مملکتنینگ تورلی حدودلریده داعش تودهسینی یوق قیلیش اوچون کوپراق سعی وحرکت آلیب باردیلر، انه شو باعث قندوز مسالهسیگه اونچهلیک جدی اعتبار بیریلمهگن.
شونینگدیک جناب استانکزی داعش بارهسیده منطقهوی حساسیتلر بولگن، منطقه نینگ بیر قنچه دولتلری داعش برابریده طالبلرنی حمایت قیلهدی بو موضوع ایسه شمالده قوراللی طالبلر کوچلهنیشیگه زمینه بولگن.
عین حالده، افغانستان ایچکی ایشلر وزیری تاج محمد جاهد، قندوزده حربی تازهلش عملیات جریانی سُست لیگی نینگ بیرینچی عاملی تینچ اهالیگه تلفات ییتمسلیک دیگن. اونگه کوره، قوراللی طالبلر اهالی نینگ یشش اوی جایلریگه کیریب آلگنلر.
بوندن آلدین مملکت شمالیده قوراللی طالبلر روسیه و ایران تامانیدن حمایت بولیشی حقیده گزارشلر نشر بولگن ایدی. قندوز سقوط قیلیشینینگ بیرینچی عاملی هم شو مساله ایکنی ایتیلهدی.
