جمهور رییس بارک اوباما ایران بیلن اتم قورال دستور بوییچه بیتیمگه کیلیشیش امکانیتلرینی 50که 50 دییه بهالهدی. اوباما نظریده تهران اتم قورالی یره تیشگه امکان بیرمسلیک کیرهک، بیراق بو ایشنی قوشیمچه تحریم یاکه حربی یول بیلن ایمس، دیپلوماتیک یاردمیده عملگه آشیریش لازم.
اوباما:«کوچلی تحریملر ایرانی مذاکره قیلیشگه اوندهدی، ایندی ایسه جدی ملاقات دوامیده تهران مقصدلرینی انیق بیلیشگه حرکت قیله یپمیز»
اونگه کوره، خلق ارا کوزه تووچیلر ایران اتم دوستورینی نظارت اتیب بارهدی و اگر ایران خلق ارا کیلیشوودن جدی روشده چیتگه چیققنی انیقلنسه، اونگه قرشی حربی کوچ ایشله تیلهدی. اوبانینگ ایتیشیچه، تهران اتم دستورینی 10 ییلگه موزلهتیب قوییش لازم.
بیراق، ایران بو طلبنی قبول قیلماقچی ایمس. بونگه اسرایل باش وزیری بنیامین نتن یاهو امریکه کانگرسیده ایران نینگ اسرایلگه تهدیدی حقیده سوزلهدی. دیموکرات قانونچیلر نظریده کانگرس نینگ جمهوریتچی رهبری آق اوی بیلن مصلحتلشمی نتن یاهوینی تکلیف ایتگنی خلق ارا مذاکرهلرگه پند بیریش ممکن.
اوباما هم نتن یاهونینگ تشریفیدن ناراضی. امریکه اسرایل بیلن علاقهلری مستحکم، اما نتن یاهونینگ اسرایلگه سیلاولر اوچون بیر نیچه هفته قالگنده امیریکهگه کیلیشی اوباماگه کوره، خطا دیر.
ایران بیلن ایلک موقعت بیتیمگه ایریشیلگنیده نتن یاهو اونی تنقد قیلدی، کوپ اساس سیز دعوالرنی آلغه سوردی. مثلان، ایران تحریملر یومشه تیلیشی نتیجه سیده 50 میلیارد دالر ایشلب آلدی، تهران بیتیمگه راییه قیلمهدی دیدی. اما، اوباما بولرنینگ هیچ بیری حقیقت بولیب چیقمهدی، عکسینچه، عینن شو دور ایچیده ایران اتم فعالیتی سوسیگنینی کوردی دیدی.
5+1 گروهیگه کیرووچی قدرتلی دولتلر تهران بیلن 31 مارچ گچه اتم دستوری خصوصیده سیاسی بیتیم بوییچه کیلیشیشگه حرکت قیلماقده. ایران تشقی ایشلر وزیری امیریکه جمهور رییسی بارک اوبامانینگ «بیتیمگه ایریشیش اوچون ایران اتم فعالیتی 10 ییلگه موزلهتیب قوییشی کیرهک» دیگن گپیگه اشاره قیلینگنی ایتیلهدی.
کریگه کوره: « یالغوز تحریملر تهراننی اتم قوراللردن قیتره آلمسلیگی ممکن. تهران اتم دستوری نینگ تینچ مصقد لرگه قره تیلگنیگه امین بولیشیمیز اوچون ایران اوز بوینیگه آلگن مجبوریتلر اجراسی نظارت ایتیلیشی لازم».
