هرات ولایتیده هندوستاننینگ وکالتخانهسی سلما توغانیده سوو توپلش باشلنگنینی اعلان قیلگن. هندوستان وکلاتخانهسینینگ بیر خبرنامه ترقهتیب ایتیشیچه، سلمان سوو توغانی 2015-ییل 26 جولایده سوو ذخیره قیلیش اوچون اینگ مهم باسقیچنی اوتگزگن.
خبرنامهده یازیلیشیچه، اوزونلیگی 20 کیلو متر، اینی 3.7 کیلومتر و 640میلیون متر مکعب سوونی اوزیگه توپلیدیگن سلما سوو توغانی 9دن 12 آیگچه سووگه تولهدی.
شونینگدیک خبرنامهده، سلما سوو توغانی هرات ولایتینینگ چشت ولسواللیگی هریرود دریاسی اوستیده قوریلگن. ایتیلیشیچه، مذکور توغان سویدن برق ایشلب چیقاریش همده ایکینچیلیکده فایده لهنیلهدی.
عینحالده، مذکور توغان 42 میگاوات برق ایشلب چیقاریش همده 80000 جریب ییرنی سوولنتیریش قابلیتیگه ایکنی ایتیلهدی.
شونینگدیک ولایت اورین باسری اصلالدین جامینینگ سلام وطندارگه ایتیشیچه، مذکور توغانگه سوو توپلیش جریانی بوگون رسمی شکلده باشلنگن.
شونینگدیک اصلالدین مذکور ییریک لایحه کیلگوسی نیچه کونده ییریک مراسم آرقهلی آچیلیشینی بیلدیرگن.
جامی، اهالی یقین وقتلرده سلما توغانی برق ایشلب چیقاریشینی کوتمسلیکلرینی بیلدیرگن. بو توغان 6-7 آیگه قدر سووگه تولیب سونگ برق توربینلری قوریلیش بیلن برق ایشلب چیقاریشگه باشلیدی.
هرات ولایت معاونیگه کوره، سلما بند سوو توغانی آچیلیشی بیلن ایکین ییرلرنی سوولنتیریش، برق ایشلیب چیقاریش و یوزلب انسانگه ایش زمینهسی یرهتیلیشیدن سوز بیرگن.
سلما سوو توغانینی قوریش، هندوستان دولتینینگ افغانستاندهگی ییریک لایحهلریدن سنهلهدی.
سلما سوو توغانی قوریلیش جریانیده نیچه مرته لوژیستکی همده امنیتی معمالر بیلن روپه ره بولگن. رسمیلریگه کوره، سلما سوو توغانینینگ رسمی آچیلیش مراسمی 2016-ییل اورتهلریده بولیب اوتهدی.
