بوگون «چهارشنبه» نمایندهلر کینگشینینگ عمومی ییغینیده نمایندهلردن بیرقطاری، پچیراگام تومنیده داعش گروهینینگ سونگی هجوملریگه اشاره قیلیب ایتیشیچه، سونگی آیلرده مذکور گروهنینگ فعالیتی کینگهیگن و داعش جنگریلری کونسایین عسکر آلیب و تینچ اهالینی اولدیرهدیلر، بیراق حکومت بو توغریده هیچ قندهی چاره تدبیر کورمهیدی.
ننگرهار ولایتی و باشقه شرقی ولایتلرنینگ نمایندهلرینی آگاهلنتیریشیچه، حکومت داعش گروهینی نابود ایتیشده عملیات یولگه قویمهگن صورتده، اولر ننگرهار و شرقی ولایتلرنینگ اهالیسینی مال و جانلرینی سقلش اوچون وقتینچهلیک اداره ایجاد ایتیشلری ممکن.
نمایندهلر کینگشی اعضاسی ظاهر قدیر، ننگرهار تومنلرینینگ اهالیسی داعش گروهینینگ هجوملریدن قیناققه قالگنینی ایتیب اورغولشیچه، افغانستان اهالیسینینگ آوازی و قانی بیلن اوینهشگه هیچ کیمگه رخصت بیرمهیدی.
جناب قدیرنینگ کوپهیتیریشیچه، قولگه کیریتگن حجتلریگه کوره، مذکور ولایتده ایریم تشکیلاتلر داعش گروهیدن حمایه قیلهدی و بو توغریده حکومت جواب بیریشی کیرهک.
نمایندهلر کینگشی اعضالریدن باشقه بیری نظیفه ذکی، ننگرهار ولایتیده داعش گروهینینگ فعالیتی کینگهیگنیدن خواطر بیلدیریب ایتیشیچه، حکومت ننگرهار ولایتیده داعش گروهینی نابود قیلمهگن صورتده، بو گروه کابل شامل باشقه ولایتلرنی هم نظارتگه آلیشی ممکن.
بیراق، جمهورلیک ریاستی سوزلاوچیسی اورین باسری دواخانه مینهپالنینگ ایتیشیچه، ننگرهارنینگ تومنلرینی داعش جنگریلریدن تازهلش اوچون حربی عملیات باشلنگن.
نمایندهلر کینگشینینگ «چهارشنبه» کونگی عمومی ییغنیده، ایچکی خوفسیزلیک و دفاعی ایشلر بوییچه کمیسیونیگه ننگرهار ولایتینینگ امنیتی وضعیتی تیکشیریلیشی خصوصیده بیر هیأت تعیین ایتیشگه بویروغ بیریلدی و بو توغریده تیرگاو اوتکزیلگنیدن سونگ حکومت بیلن صحبت قیلینهدی.
