یکشنبهدن دوشنبهگه اوتر کیچه بادغیس ولایتینینگ مرکزی، قلعهی نو شهرینینگ باغبان منطقهسیده طالبلرنی آواز بیرووچیلرنی رویخطگه آلیش بیر مرکز اوستیگه هجوم قیلگنلر و بو هجوم نتیجهسیده امنیتی کوچلردن 9 تهسی هلاک و باشقه 4 تهسی یرهلنگن.
سلاموطندارگه صحبت بیرگن بادغیس ولایت کینگشی اعضاسی خانجان ظفرنینگ ایتیشیچه، هلاک ایتیلیب ویرهلنگن کیشیلر مذکور مرکزنینگ خوفسیزلیگینی تأمینلش گه مسؤول ایکنلر.
بیراق، بادغیس ولایتینینگ سرپرستی و اورین باسری فیضمحمد میرزازاده، امنیتی کوچلردن یالغیز 4 تهسی هلاک ایتیلگنینی تصدیقلیدی.
اوشبو واقعه مسؤولیتینی طالبلر بوینیگه آلیب و امنیتی کوچلرگه آغیر زیان ییتکیزگنلرینی ادعا قیلگن.
شونینگدیک، اوچ کون آلدین «جمعه» کون آواز بیریش بیر مرکز اوستیگه طالبلر تامانیدن آتیلگن راکت نتیجهسیده بیر پولیس عسکر هلاک و باشقه 2 تهسی یرهلنگن ایدی.
