.jpg)
قندوز امنیتی رسمیلری نینگ ایتیشیچه، طالبلر قندوز-علیآباد منطقهسیده پولیس پوستهلریدن بیریگه هجوم قیلیب 7 پولیسنی اوتگه یاندیرگن.
حادثه بوگون ایرتهلب ساعت 2 اطرافیده قندوز-علیآباد شاه یولی کوچه قزاق منطقه سیدهگی محلی پولیس پوستهسیده روی بیرگن.
مملکت شمالشرق حوزه سیدهگی پولیس سوزلاوچیسی محفوظالله اکبری نینگ خبرنی تأیید قیلیب سلاموطندارگه ایتیشیچه، جنگری طالبلر اوشبو پوستهگه هجوم قیلیشلری بیلن 2 محلی پولیسنی اولدیرگن و باشقه 7 پولیس قورال اسلحهلری بیلن بیر کانتینر ایچیده اوخلب یاتگن ایکنلر، اوتگه یاندیرگن.
.jpg)
اونگه کوره، طالبلر اوزلریگه وفادار بیر نفرلری یاردمیده مذکور پوستهگه هجوم اویوشتیرگنلر.
بیراق پوسته قومندانی میراگل که حادثه روی بیرگنده اوییگه کیتگن ایکن ایتیشیچه، بو 7 پولیسنی اولدیرگن و اوندن کیین بولرنی اوتگه یاندیرگن.
بو امنیتی رسمی نینگ ایتیشیچه، پولیس کوچلری بوتونلهی کویب کیتگن و تانیب هم بولمیدی.
سلاموطندارگه حادثه مسؤولیتینی بوینیگه آلگن طالبلر سوزلاوچیسی ذبیحالله مجاهدنینگ ایتیشیچه، اوشبو گروه بو عسکرلرنینگ کوپلب قورال اسلحهلرینی هم اوزلری بیلن آلیب کیتگنلر.
