قوراللی طالبلرنینگ تخار، بغلان و قندوز ولایتیدهگی هجوملری آرتگه اوریلدی. مملکت شمال شرقیده سپین زر پولیس 808 قوماندانی شیرعزیزکامهوال نینگ سلاموطندارگه ایتیشیچه، اوتگن کیچه قندوز و تخار ارهلیغیده جایلشگن خان آباد تومنیده قوراللی طالبلر بیش پوستهگه هجوم قیلیب تصرف ایتگنلر. اما، اوشبو پوستهلر قیته دن جنگریلر اشغالیدن آزاد ایتیلگن.
سپین زر 808 پولیس قوماندانی، قوراللی طالبلر ناصرلر قیشلاغینینگ شمال شرقی تامانیدن بیلن قندوز تورمهسیگه هجوم قیلیب، محبوسلرنی آزاد قیلیش نیتده بولگنلر. لیکن، ملی کوچلرنینگ مقاومتیگه دوچار بولگنلر.
اونینگ سوزلریگه کوره، اوروش نتیجهسیده جنگریلرنینگ 80 ته نابود ایتیلگن و 53ته سی ایسه جراحت آلگن. شونینگدیک اوروش ده افغان ملی کوچلرینینگ 4 تهسی قربان بولیب، 3 ته سی ایسه تن جراحتی آلگن.
قندوز ولایت والیسی اسدالله عمرخیل، قوراللی طالبلرنینگ فعالیتی قیته باشلنگن لیگی توغریسیده ایتیشیچه، امنیتی کوچلر جنگریلر هجومینی جواب سیز قالدیرمه گنلر.
اوتگن کون تخار و قندوز ولایتیده جایلشگن خان آباد تومنینینگ عمومی ترافیک یولی یولاووچیلر یوزیگه یاپیلگن حالده، مذکور ولایتلرده قوراللی طالبلرگه ییریک ضربه بیریلگن لیگینی تیلگه آلگن.
جنگری طالبلر قندوز ولایتیدن تشقری بغلان و تخار ولایتینینگ بعضی منطقهلریده عملیات باشلهگنلر. اما، افغانستان ملی کوچلرینینگ تازهلش عملیاتی عاقبتیده جنگریلر تصرفیگه اوتگن قیشلاقلر قیتهدن عصیانچیلر قولیدن آلینگن.
جناب کامهوال، جنگریلرنینگ فعالیتی تخار ولایتیده نا توان دیگن. عین حالده، تخار ولایتینینگ امنیه قوماندانی بیر خبر نامه ترقهتیب جنگری طالبلرنینگ اشکمش و خواجه غار ولسواللیکلریده آرتگه اوریلگن.
جنگری طالبلر هنوزگچه بو توغریده بیرار نرسه دیمهگنلر.
شونینگدیک بوندن تورت کون آلدین قوراللی طالبلر بیر اعلامیه نشر قیلیب، بهار کیلیشی بیلن «عمر» عملیات اوتکزیشلری توغریسیده آگاهلنتیرگن ایدی. اوشبو اعلامیهده قوراللی طالبلرنینگ باشلیغی تینچ اهالیگه تلفات ییتکزیلمسلیگینی سورهگن.
