.jpg)
اوتگن بیر آیده 18 زرگر چمهسی 10 میلیون دالر سرمایهسی بیلن قندوزنی ترک قیلگن. اوشبو ولایت رزگرلر بیرلشمهسینینگ مسووللری، مذکور زرگرلر ولایتنی ترک قیلیشیگه بیرینچی عامل آدم اوغیرلیک واقعهلری باعث دیگنلر.
اوشبو بیرلشمهنینگ باشلیغی حاجی جلیل، اوتگن آی جریانیده ولایت صرافلری همده زرگرلریدن 7 کیشی سینینگ اوغلی اوغیرلنگن ایدی دیدی.
کوپینچه اوغیرلنگنلر پول مقابیلیده قیته قوییب یوباریلگنلر دیدی ولایت زرگرلر بیرلشمهسی نینگ باشلغی.
جناب جلیلگه کوره، شهر ده ناقانونی قوراللی شخصلر سانی آشگن لیگی و آدم اوغیرلش حاللر کوپیگنی سبب ولایتنینگ بعضی بای به دولت یشاوچیلری جان سقلش اوچون اورپا مملکتلریگه یول آلگنلر دیدی.
.jpg)
قندوز صرافلر جمغرمهسینینگ باشلیغی عبدالاحد هم ولایتده اوغیرلش همده آدم اوغیرلاوچیلیک حاللری میزانی آشگن لیگینینی تصدیقلهگن. او، وضعیت بوندهی دوام ایتگن حالده، « مملکتدن چیقاریله دیگن سرمایهلر کیلهجکده افغانستاننی ایاغدن قویهدی دیگن.
قندوز پولیس قوماندانی جنرال محمدقسیم جنگل ولایتده اوغیرلش واقعهلری سانی آشگن لیگینی تصدیق ایتیب، حادثه آلدی آلینیشی اوچون هر قندهی همکارلیک قیلیشدن سوز بیرگن.
جناب جنگل باغنینگ سوزلریگه قرهگنده، سونگی وقتلرده ولایتده آدم اوغیرلش حادثهسیده قولی بولگن ایریم کیشیلر حبسگه آلینگن دیگن. شونینگدیک شهرده آدم اوغیرلاوچیلیک آلدی آلینشی اوچون سعی وحرکت قیله میز دیگن جناب جنگل باغ.
رسمی حساباتلریده چمهسی200 رزگر مملکت بویلب فعالیت قیلهدی. مملکت شمال شرقیده جایلشگن قندزو ولایتی اخیرگی ایکّی ییل جریانیده کوتیلمهگن پیمانهده کیشیلر مملکتنی ترک قیلیشگه سعی وحرکت ایتدیلر.
