جوزجان ولایتیده ترورچیلیک گروهلرنینگ اوروشی اهالینی کوپینچه قیینچیلیککه روپهره قیلگن.
جوزجان ولایت کینگشی اعضاسی حفیظالله ندرت، درزاب تومنینینگ حاضرگی وضعیتیدن خواطر بیلدیریب ایتیشیچه، تینچ اهالینینگ بوتون بار و یوغی داعش و طالبان گروهی تامانیدن تالان قیلینگن و کمیده 100 اولتیریش اوی اوتگه تارتیلگن.
درزاب تومنی بدرغهلریدن بشیره و روزیباینینگ ایتیشیچه، داعش و طالبان گروهی بوتون بار و یوقلرینی نابود قیلگن و دولتی کوچلر منطقهدن قاچیب کیتگن یا-ده یخشی بیر حالتده جاری وضعیتنی نظارت قیلهدیلر.
عین حالده، داعش و طالبان گروهینینگ ویرانگرلیک عمللرینی تصدیقلگن جوزجان پولیس قومندانی فقیرمحمد جوزجانینینگ ایتیشیچه، حاضر درزاب و قوشتپه تومنلریدن 10 مینگ عایله بدرغه بولگن.
باشقه تاماندن، درزاب پولیس قومندانی تورن اسماعیلنینگ ایتیشیچه، بیر ییلدن بویان مذکور تومنده داعش گروهی 20 مینگ اوینی علاقهوی چقورلرگه اوزگرتیریب و موزی توزهتگن و اولردن فایدهلنیب دولتگه قرشی هجوملرینی ریجهلشتیرهدی.
