ایچکی ایشلر وزیرلیگی فرهنگی و عقیدتی مصلحتچیسی محمدهاشم اوغلی ملپاسوال عبدالمبیننی سمنگان ولایتی امنیه قومندانی حیثیده تعیین ایتیلگنی باره سیدهگی حکم قلابی چیقگن.
ایچکی ایشلر وزیرلیگیگه قرهتیب جمهورلیک سرای تامانیدن 23/2/1394 تاریخده 143 رقمده یازیلگن بویوروق اساسیده، ایچکی ایشلر وزیرلیگی فرهنگی و عقیدتی مصحلتچیسی ملپاسوال عبدالمبین؛ سمنگان ولایتی امنیه قومندانی پاسوال محمد اکرام اورنیگه پیشنهاد بولگن ایدی.
بیراق23/3/1394 تاریخده 3960 رقمدهگی مکتوب اساسیده ایچکی ایشلر وزیرلیگی پولیس ایشلری بویچه پیژن مدیری، بامیان ولایت امنیه قومندانی حیثیده تنیشتیریلیشیگه قرهگنده جمهور رییس بویوروغی ایچکی ایشلر وزیرلیگی تامانیدن قول اوریلگن.
جناب عبدالمبیننی پیشنهاد بولیشی اوچون ایچکی ایشلر وزیری نورالحق علومینینگ قول قویگنلیگی کورینهدی.
مکتوبده سمنگان نامیگه خط اوریلیب، بامیان یازیلگن. ایتیلیشیچه، نیچه کون آلدین بامیان پولیس باشلیغی ملپاسوال خدایار قدسی بیلن ایچکی ایشلر وزیرلیگی اورین باسرلیک بولیمی ارا تیل تارتیشووی بولیب اوتگن ایدی. کورینیشیچه، مذکور حکم جمهور رییس تامانیدن بولگندن سونگ قول اوریلگن.
اما ایچکی ایشلر وزیرلیگینینگ پیژنوالی لویپاسوال عبدالوکیل اکبریگه کوره، مذکور حکم قلاب لنمهگن و اونده موجود خطده قلم تارتیش ایشی خودی جمهور رییس تامانیدن بولگن.
شونینگدیک بامیان ولایت اورین باسری آصف مبلغ هم صادر ایتیلگن حکم مکتوبی مشکوک لیگینی تیلگه آلگن. اونگه کوره، بوتوغریده جمهورلیک سرایدن موضوع انیقلنیشی اوچون معلومات سورهگنلر، بیراق حاضرگه قدر بوتوغریده بیرنرسه دییلمهگن.
