افغانستان ایرکین مدیالریدن حمایت ایتیش(نی) دفتری مسووللرینینگ ایتیشیچه، ملی بیرلیک حکومتی باشلنگنیدن حاضرگهقدر 53 ژورنالیست هلاک بولگن.
افغانستان ایرکین مدیالریدن حمایت ایتیش دفترینینگ باشلیغی مجیب خلوتگرنینگ ایتیشیچه، اخیرگی 17 ییل جریانیده 95 ایچکی و چیتایللیک ژورنالیست هلاک ایتیلگن. اونینگ ایتیشیچه، بو جملهدن 44 فایزی حامد کرزی حکومتی و 56 فایزی ایسه ملی بیرلیک حکومتی دوریده اولدیریلگن.
نی دفتری باشلیغیگه کوره، حامد کرزی حکومتیگه قرهگنده ملی بیرلیک حکومتیده ژورنالیستلرنینگ اولیمی 4 برابر کوپهیگن. جناب خلوتگرنینگ ایتیشیچه، ژورنالیستلر قصدا اولدیریلهدی.
جناب خلوتگرگه کوره، 10 ثور و اوتگن چهارشنبه کونی صورت تاپگن خودکش هجومدن سونگ، تروریستی واقعهلرنی پوشش آستیگه قرار بیریشگه توسیق بولیش اوچون حکومت سعی و حرکت قیلهدی و اوشبو ایش قانونگه قرشی دیر.
افغانستان ایرکین مدیالریدن حمایت ایتیش(نی) دفتری باشلیغیگه کوره، حکومتنینگ ژورنالیستلر خوفسیزلیگینی تامینلش خصوصیده سعی و حرکت قیلیشی کیرهک.
اوتکن هفته چهارشنبه کونی دشتبرچی منطقهسیده صورت تاپگن خودکش هجوم نتیجهسیده قطار یشاوچیلر چکهسیده ایکی ژورنالیست هم هلاک بولگنلر.
