بوگون "پنجشنبه" افغانستاننی قوتقریش سیاسی حزبلر ائتلافینینگ کابلده بیری خبری ییغین آرقهلی ایتیشیچه، مملکت ایچیده، حکومت و طالبلرنینگ تینچلیک سوزلشوولریده میانجیگرلیک قیلهدی.
افغانستاننی قوتقریش سیاسی حزبلر ائتلافینینگ سوزلاوچیسی محمدیوسف امین زازی نینگ ایتیشیچه، تینچلیک سوزلشوولر چیتایللیک مملکتلرده نتیجه بیرمهیدی و تینچلیک سوزلشوولرنی مملکتده یولگه قوییلیشی کیرهک.
افغانستاننی قوتقریش سیاسی حزبلر ائتلافینینگ باشلیغی شاهمحمود پوپلنینگ ایتیشیچه، مسکو تینچلیک ییغینیده اشتراک قیلگن سیاسی حزبلر رهبرلرینی «صحبت قیلیشگه صلاحیتی یوق ایدی.»
طالبان گروهینینگ نمایندهلری کیلهجک هفتهده پاکستان باش وزیری بیلن مذاکره قیلیش قرارینی آلگن بیرچاغده، افغانستاننی قوتقریش سیاسی حزبلر ائتلافی حکومت و طالبان گروهی آرهسیده میانجیگرلیک قیلیشیدن خبر بیرگن
