قندوز محلی مسؤوللری نینگ سلاموطندارگه ایتیشیچه، اوتگن کیچه بو ولایت نینگ امام صاحب تومنیده طالبان هجومی نتیجهسیده پولیس عسکرلریدن 11 تهسی هلاک ایتیلگن.
قندوز ولایت کینگشی اورین باسری صفیالله امیری نینگ ایتیشیچه، اوتگن کیچه طالبان گروهی قندوز ولایتی نینگ امام صاحب تومنیده قطار قیشلاقلرنی اوستیگه هجوم قیلیشگن و نتیجهده ملی پولیس عسکرلریدن 10 تهسی و محلی پولیسلردن 1 تهسی هلاک ایتیلگن.
اونگه کوره، بو هجوم ده پولیس عسکرلریدن 5 تهسی یرهلنیب و باشقه 3 تهسینی طالبان آلیب کیتگن.
قندوز حاکمی سوزلاوچیسی عصمتالله مرادی، بو واقعهنی تصدیقلب ایتیشیچه، بو آتیشمهده ایکی تامان قربانلیک بیرگن، بیراق دقیق رقمی قولگه کیریتیلمهگن.
شونینگدیک، طالبان گروهی بیر خبرنامه ترقهتیب ادعا قیلیشیچه، بو واقعهده 14 پولیس هلاک و باشقه 4 پولیس یرهلنگن.
