تخار ولایتی نینگ خواجه بهاالدین تومنیدن قطار مردمی منبعلرنینگ ایتیشلریچه، طالبان گروهی بو تومنده بیر مکتب نی اوت بیریب و ملک احمد تاتار شامل باشقه بیر قطار کیشیلرنینگ اویی نی چور قیلگن.
مذکور منبعلر آتیلری فاش ایتیلیشی نی ایستمهی سلاموطندارگه ایتیشلریچه، طالبان جنگریلری بوگون (دوشنبه ۲۴- سنبله) ایرتهلب بیرینچی ده «روستای لالهگذر» مکتبی نینگ تحویل خانهسینی اوت بیریب و کیین ایسه ملک احمد تاتار و باشقه بیر قطار کیشیلرنینگ اویی نی چور قیلگن.
بو تومندن باشقه منبعلرنینگ ایتیشلریچه، طالبان اوشبو مکتب نینگ یقیینلیگیده مردمی کوچلرنینگ پوستهسی قرار تاپگنی باعث، مذکور مکتب تحویلخانهسی نینگ اوت بیرگن. اوشبو منبعلرگه کوره، طالبان خواجه بهاالدین تومن مرکزی نینگ بیر کیلومترلیگی گچه ییتیشگن.
تخار امنیتی و محلی مسئوللری حاضرگچه بو حقده هیچ بیر نرسه دیمهگن. بیراق تخار ولایتیدن بیر خوفسیزلیک منبع نینگ ایتیشیچه، خواجه بهاالدین تومنیده امنیتی کوچلر آرقهلی اویوشتیریلگن هوایی هجومده، ۳۰ طالب هلاک و یرهلنگن.
طالبان سوزلاوچیسی ذبیحالله مجاهد نینگ ایتیشیچه، بو تومنده مکتب نی اوت بیریش و اهالی نینگ اویی نی چور قیلیش طالبان گروهی نینگ ایشی ایمس.
شوندهی بیر حالده، اوتگن کون تخار ولایتیدن قطار منبعلر، خواجه بهاالدین تومنی نینگ اَیریم بولیمی طالبان نظارتی گه اوتگنیدن خبر بیردی. اوشبو منبعلرنینگ کوپهیتیریشلریچه، مردمی کوچلر ملک احمد تاتار رهبرلیگی آستیده، طالبان گروهی گه قرشی اوروشهدی ایکن.
