بیرقطار اوقیگن و ایشسیز یاشلر «ایش سیزلیککه قرشی حرکت» گروهی نامی بیلن دوشنبه کون ناراضیلیک نمایش یولگه قوییب و مملکتدهگی ناتینچلیکلر و ایش سیزلیک توغریسیده ملی بیرلیک حکومت باشلیغلرینینگ عیبدار دیگنلر.
اوشبو یاشلرگه کوره، ایشسیزلیکدن سیقیلیب کیتگن، دارالامان قصری یولیدن مملکت ملی کینگشی اونگیگچه ناراضیلیک نمایش اوتکزگنلر.
اوشبو یاشلرنینگ ایتیشیچه، دنیا جماعهچیلیگی تامانیدن افغانستانگه میلیاردلرچه دالر یاردم بیریلگن، بیراق مملکتده ایشسیزلر رقمی کونسایین کوپیماقده؛«ایشسیزلیک قبول قیلینمس مصیبت و اجتماعی قیین چیلیککه اوزگرگن».
اولرنینگ ایشانچیگه کوره، یاشلرنینگ مخدره مادهگه چالینگنی، تروریستی گروهلرگه قوشیلیشی و مملکتدن قاچیشلری افغانستانده باشقه قیینچیلیک بولگن.
اعتراضچیلرنینگ ایتیشیچه، ملی بیرلیک حکومت باشلیغلری بو اجتماعی مصیبتگه دقت قیلمهیدی و بو وضعیت کون اوتیشی بیلن چیگل بولیشی ممکن.
اولرگه کوره، افغانستان یشاوچیلریدن 90% کیلهجککه امید قیلمهیدی و حکومت تامانیدن بو وضعیتگه دقت قیلینیشی لازم.
ایشسیزلیککه قرشی حرکت رهبری احمدجواد طیبنینگ ایتیشیچه، اساسی قانونگه قرهگنده، دولت تامانیدن یشاوچیلرگه ایش زمینه یرهتیلیشی کیرهک.
جناب طیبگه کوره، حاضرگی کونلرده ایشسیز یشاوچیلردن کوپیسی، ایش تاپیش اوچون تشقی مملکتلرگه تامان یول آلهدی و بو افغانستان دولتی اوچون بیر هشدار دیر، بیراق اونینگ ایشانچیگه کوره، قدرتده بولگنلر کسل دیر و هیچ بیری خلقگه ایچ کویدیرمهیدی.
اعتراضچیلردن بیری سلطانهنینگ ایتیشیچه، افغانستانده 13 میلیون ایشسیز موجود و بو کته بیر مصیبت بولگن. او حکومت باشلیغلریدن «واسطه و تبعیض» نی چیتده قوییب و مملکت فعال یاشلری خصوصیده دقت قیلیشلرینی سورهدی.
اوشبو اعتراضچیلرنینگ ملی بیرلیک حکومتیدن بولگن ایستهگی، ایش زمینه یرهتیلیشی، کیکسه کیشیلرگه تقاعد بیریش، ناتینچلیکنی تأمینلش، وقتینچهلیک شرط نامهلرنی توختهتیش، ساغلیک معیارلرینی کوزگه توتیش، سیاسی، قومی و نژادی علاقهلر اساس ایشچیلرنینگ چیقارمسلیک، ایش بیمهسینی توللش، بالهلرنی ایشدن بوشهتیش، لیاقتنی کوزگه توتیش و نابرقرارلیکلرگه دقت قیلیش دیر.
اولرنینگ شرط نامهلرینی بیرقسمیگه کیلیشیچه، ایشچیلرنینگ تعیینلنیشیگه ملکی خذمتلر و اداری اصلاحاتده بولگن فساد و سست لایحه توغریسیده باشقه جواب بیرمهیدی. اوشبو لایحهده، لیاقت، تخصص و بیلیم، تجربه قربانی بولهدی و قوللابی توزهتیشیهم اونچهلیک قیین ایمس دیر.
اوشبو یاشلرنینگ آگاهلنتیریشیچه، دولت تامانیدن اولرنینگ ایستکلریگه ایجابی بیریلمهگن صورتده، ناراضیلیکلریگه دوام بیرهدی.
ایشسیزلیک آتیدهگی قیینچیلیک
شوندهی حالده، اجتماعی ایشلر وزیرلیگینینگ ایتیشیچه، ایشسیزلیک نه فقط افغانستان بلکیم بوتون دنیاده کته بیر قیینچیلیککه اوزگرگن و افغانستان ناتینچلیکلر باعث، بو مسئلهدن کوپراق زیان کورگن.
مذکور وزیرلیک سوزلاوچیسی علی افتخاری، موجود قیینچیلیکلرنی حل ایتیش خصوصیده، اجتماعی ایشلر وزیرلیگی تامانیدن بیرقطار لایحهلر قولگه آلینگنینی ایتکن.
جناب افتخاریگه کوره، اجتماعی ایشلر وزیرلیگی یقین آرهده ایشچی احتیاجی بولگن مملکتلر بیلن کیلیشووگه قول قوییش خصوصیده، سعی و حرکت قیلهدی و ایش کوچی بو مملکتلرگه یوباریلگن صورتده، ایشسیزلیک قیینچیلیگی بیر قسمی حل بولهدی.
افتخارینینگ کوپهیتیریشیچه، مذکور وزیرلیک ایش توغریسیده ایریم لایحهلرنی قولگه آلگن و بو خصوصده جمهور رییس و خصوصی ادارهلر بیلن کیلیشگن. اونگه کوره، اجتماعی ایشلر وزیرلیگی ایش توغریسیده بولگن ریجهسینی جمهور رییسگه تاپشیرگن.
