ایکی کون آلدین، چشمۀ شیر منطقهسیده قیزلر لیسهسیدن بیری اوتگه اوریلدی. تخار ولایتی معارف ریاستی اورین باسری سید حسامالدین نظرینینگ، سلاموطندار بیلن اوتکزگن صحبتیده ایتیشیچه، مذکور لیسهنی طالبلر یاندیرگن.
چشمۀ شیر لیسهسی تالقان شهری اوچ کیلومترلیگیده قرار تاپیب، ایکی بولیم اوغیل و قیزلردن تشکیل ایتیلگن. جناب نظریگه کوره، قیزلر اوقیدیگن بنا بوتونلهی اوتگه اوریلگن، بیراق اوغیللر اوقیدیگن بنا هیچ قنقه زیان کورمهگن.
تخار معارف ریاستی اورین باسرینینگ ایتیشیچه، طالبلر شبنامه ترقهتیب، قیزلر لیسهلرینی بوتونلهی اوتگه یاندیریشلرینی ایتگن. جناب نظری مکتب خصوصیدهگی شب نامهدن نقل قیلیب ایتیشیچه، یانغین آقشام نمازی اوقیلهدیگن چاغده یوزبیرگن.
تالقان شهری چشمۀ شیر لیسهسی مدیری سید طاهرگه کوره، مذکور لیسهنی طالبلر یاندیرگن. سید طاهرنینگ ایتیشیچه، طالبلر مکتب لرنی اوتگه یاندیریب، مملکتده قیزلرنینگ اوقیشی و تربیهلنیشیگه توسیق بولیش خصوصیده سعی و حرکت قیلهدی؛ بیراق اورگهتیش ادارهلرنی اوتگه یاندیریب اوقیش دوامینی توسه آلمهیدی.
چشمۀ شیر لیسهسی اوقووچیلرینینگ ایتیشیچه، آچیق فضاده هم درسلریگه دوام بیرهدی. چشمۀ شیر لیسهسی اوقووچیلریدن بیری جمیلهنینگ سلاموطندارگه ایتیشیچه، بو یانغیندن هیچ قنقه قیغولنمهگن و اوتمیشلردیک درسلریگه دوام بیریب و مکتبنی آچیق فضاسیده درس اوقیدی.
باشقه تاماندن، تخار ولایتی پولیس قومندانلیگی سوزلاوچیسی خلیل اسیرنینگ سلاموطندارگه ایتیشیچه، مکتب بناسی ناتانیش کیشیلر تامانیدن اوتگه یاندیریلگن و حاضرگچه واقعه خصوصیده کیمسه توتقونگه آلینمهگن. جناب اسیرنینگ کوپهیتیریشیچه، پولیس کوچلری تهدیدنامهدن خبر سیز دیر و بو مکتبنی قیسی بیر گروه اوتگه یاندیرگنی تیرگاولر یکونلنگنیدن بیللی بولهدی.
شونینگدیک، قویاش 1391- ییل، طالبان گروهی تخار ولایتیده قیزلر لیسهلریدن نیچه تهسیگه زهر ساچیب، نتیجهده نیچه قیز زهرلنیب و کسلخانهگه انتقال بیریلگن ایدی.
