افغانستان بوییچه جاری میلادی ییلنینگ مارچ آییده فبروری آیی گه نسبتن تینچ اهالی قربانلری اوچ برابر کوپهیگن.
ملکی کیشیلرنی سقلاوچی دادخواهلیک گروهی نینگ ایتیشیچه، جارییل مارچ آیده مملکت 18 ولایتیده 27 عیال و 54 باله شامل 184 تینچ اهالی هلاک ایتیلگن و شونینگدیک، باشقه 300 کیشی یرهلنگن دیر.
مذکور نهاد نینگ ینگی بیر گزارشده کوپهیتیریشیچه، جاری ییل فبروری آیده 165 تینچ اهالی هلاک ایتیلیب و یرهلنگن ایدی و اوشبو رقم هم اوتگن ییل مارچ آیگه نسبتن کوپ دیر.
ملکی کیشیلرنی سقلاوچی دادخواهلیک گروهی نینگ معلوماتیگه کوره، کوپراغ تلفات کابلده یوز بیرگن و قطار واقعهلرده 24 کیشی هلاک ایتیلیب و باشقه 120 کیشی یرهلنگن دیر.
کابلدن سونگ، ننگرهارده 42 کیشی هلاک ایتیلیب و باشقه 34 کیشی یرهلنگن.
ملکی کیشیلرنی سقلاوچی دادخواهلیک گروهی نینگ ایتیشیچه، جمهور رئیس غنی جاری ییل مارچ آیده امنیتی فوقالعاده بیر ییغینده، ایچکی و چیتایللیک کوچلرگه تینچ اهالی تلفاتیگه توسیق بولیش اوچون دقت قیلیش دستورینی بیرگن ایدی، بیراق اوتگن میلادی ییل جریانیده کیچه تاماندن یولگه قویلهدیگن عملیاتلر و هوایی هجوملر نتیجهسیده تنیچ اهالیگه کوپینچه تلفات ییتیشگن.
شوتوغریده…
بو نهاد گزارشیگه کوره، قندوز ولایتیده بیر هوایی هجوم نیتجهسیده، بیر عایله نینگ 14 اعضاسی جان بیرگن و شونینگدیک، هلمند ولایتیده 3 کیشی هلاک ایتیلیب و باشقه 49 کیشی یرهلنگن دیر.
اوشبو نهادنینگ کوپهیتیریشیچه، میلادی اوتگن آیده هدفلی قتللر هم کوپهیگن و اونینگ نتیجهسیده 25 تینچ اهالی اولدیریلگن.
ملکی کیشیلرنی سقلاوچی دادخواهلیک گروهی، بیرلشگن ملتلر تشکیلاتی، انسان حقلری کمیسیونی، مدنی نهادلر و یشاوچیلردن تینچ اهالی تلفاتیگه توسیق بولیش اوچون سعی و حرکت قیلیشینی سورهیدی.
مذکور نهاد، ایچکی و چیتایللیک کوچلر و دولتگه قرشی قورالی گروهلردن تینچ اهالی تلفاتیگه توسیق بولیش اوچون دقت قیلیشلرینی ایستهگن.
