فراه حاکمی عبدالبصیر سالنگینینگ ایتیشیچه، امنیتی کوچلرنینگ اکثری هلاکتلریگه اولر نینگ ارهسیده بولگن نفوذلی شخصلر نینگ طالبان گروهی بیلن همکارلیک قیلیشلری سبب بولگن.
فراه حاکمیگه کوره، اکثر پوستهلرنینگ قومندانی تیکشیرمسدن کیشیلرنی عسکرصفتیده جلب قیلیشلری امنیتی کوچلرنی هلاک بولیشیگه سبب بولگن.
سالنگی نینگ ایتیشیچه، او بیرنیچه؛ پولیس، نظم عامه و ملی اوردو پوستهسینی تیکشیرگن اونگه کوره امنیتی پوستهلرنینگ طالبان گروهی بیلن بولگن ایچکی ارتباطی، امنیتی کوچلر نینگ هلاک بولیشی گه سبب بولهدی.
فراه حاکمی، امنیتی جمغرمهلرنینگ اویغونسیزلیگی، طالبان گروهی نینگ فعالیتی کوپیگنی، قوراللر آزلیگی و امنیت تشکیلاتینینگ انتظام سیزلیگی اوشبو ولایت امنیتی کوچلرینینگ اولیملریگه بولگن ایری سببلردن دیب بیلهدی.
اونگه کوره، تیکشیرواساسده 6350 قوراللی طالب اوشبو ولایت نینگ 10 تومنی و ولایت یولیگه فعالیت قیلماقده، اوشبو حالت امنیتی کوچلرنینگ اوتیب – قیتیشلری اوچون قینچیلیک یرهتگن.
بوندن آلدن فراهدن ییتیب کیلگن گزارشلرگه کوره، اوتگن بیر آی ایچیده چمهسی 40 کیشی امنیتی کوچلر طالبان هجومی سبب هلاک بولگن.
