کنر محلی رسمیلرینینگ ایتیشیچه، اوشبو ولایتنینگ مانونگی تومنیده 5 کوندن بویان داعش و طالبان گروهلری آرهسیده جدی شکلده آتیشمه دوام ایتماقده.
اولرگه کوره، اوشبو آتیشمه نتیجهسیده حاضرگچه داعش و طالبان اعضالریدن 50 تهسی هلاک ایتیلگن.
اوشبو واقعهنی تصدیقلگن کنر حاکمینی سوزلاوچیسی غنی مصمم نینگ ایتیشیچه، ایکی گروه آرهسیده یوز بیرگن آتیشمه تلفاتیدن حاضرگچه دقیق رقم قولگه کیریتمهگنلر.
بیراق، کنر ملی خوفسیزلیک ریاستیدن آتی فاش ایتیلیشینی ایستمهگن ایشانچلی بیر منبع نینگ سلاموطندارگه ایتیشیچه، حاضرگچه اوشبو آتیشمه نتیجهسیده داعش جنگریلریدن 30 تهسی و طالبان جنگریلریدن 20 تهسی هلاک ایتیلگن و باشقه بیرقطار جنگریلری هم یرهلنگن.
اوشبو منبع گه کوره، داعش گروهینینگ جنگریلری کورنگل منطقهسینی قمراوگه آلگن و بو ایش منطقه یشاوچیلرینینگ باردی و کیلدیسینی امکانسیز قیلگن.
سلاموطندارگه صحبت بیرگن کنر ولایت کینگشی اورین باسری عبدالطیف فضلینینگ ایتیشیچه، داعش گروهی عصری قوراللر بیلن جهازلنگن و مذکور ولایتنینگ باشقه تومنلریدن کورنگل منطقهسیده یاردمچی کوچ چقیرگن.
فضلی گه کوره، داعش گروهی بو اوروشده بالهلردن هم خودکش هجومچی صفتیده فایدهلنهدی.
شو توغریده…
- جوزجانده داعش و طالبان اوروشیده ۱۲ جنگری اولدیریلگن
جوزجانده داعش و طالبان آرهسیده یوز بیرگن آتیشمهده 15 جنگری هلاک بولگن
اونینگ کوپهیتیریشیچه، داعش گروهی کورنگل منطقهسینی نظارت گه آلگنیدن سونگ، شوریک و چپهدره منطقهلرینی هم نظارت گه آلیش اوچون سعی و حرکت قیلهدی.
کورنگل منطقهسی قوم بویوکلریدن بیری حضرت سیدنینگ ایتیشیچه، اوتگن کیچه داعش گروهی مذکور منطقهنی طالبلرنینگ نظارتیدن چیقارگن.
عین حالده، حکومتی منبعلردن بیرینینگ ایتیشیچه، داعش گروهی کورنگل منطقهسیدن یریمینی نظارت گه آلگن و حاضر اوروش ایکی تامان آرهسیده دوام ایتماقده.
داعش و طالبان گروهلری حاضرگچه بو توغریده فکر بیلدیرمهگنلر.
