فاریاب ولایتینینگ حاکمی نقیبالله فایق، طالبلرنینگ حاکمیتیده بولگن منطقه یشاوچیلریگه بوغدای یوباریلگنیدن خبر بیرگن ایدی، بیراق حاضر مذکور ولایت محلی رسمیلرینینگ ایتیشیچه، قوراللی طالبلر اوشبو یاردملردن کوپینچهسینی اوزلری آلگن.
مذکور ولایت یشاوچیلرینینگ سلاموطندارگه ایتیشیچه، محلی حکومت کوهستان تومنی شامل بیرقطار تومنلرگه 120 تُن بوغدای یوبارگن ایکن، بیراق بو یاردملرنی طالبلر آلگن.
فاریاب ولایتی کینگش اعضاسی عبدالاحد ایلبیگ نینگ ایتیشیچه، مذکور ولایتنینگ نیچه تومنی حاضرگچه یاردملرگه قول تاپگن، بیراق شیرینتگاب، دولتآباد و کوهستان تومنلریده بوغدای ترقهتیش خبری اولرگه حاضرگچه ییتیشمهگن.
جناب ایلبیگ نینگ ایتیشیچه، ایریم تومنلرده بیریلگن یاردملردن کوپینچهسینی طالبلر آلگنی توغریسیده اولرگه کوپینچه شکایتلر ییتیشگن.
قوراللی طالبلر بو توغریده هیچ نرسه دیمهگن و شونینگدیک، محلی رسمیلرنینگ ایتیشیچه، بوندن آلدین هم بوندهی واقعهلر نیچه مرته یوز بیرگن.
