افغانستان جمهور رییسینینگ بیرینچی اورین باسری جنرال عبدالرشید دوستم، فاریاب ولایتیده دولت قوراللی مخالف لرینی نابود قیلیش اوچون اوتگن کون مذکور ولایتگه سفر قیلگن.او، ولایت اهالی سیگه جنگریلر تهدیدیدن آزاد ایتیلیشلری بارهسیده ایشانچ بیرگن.
جناب دوستم، بو مرته قوراللی طالبلر ایلدیزدن نابود ایتیلیشی اوچون ییریک لایحهسی بولگن لیگی حقیده تاکیدلهگن.
جنرال دوستم فاریاب، جوزجان و سرپل ولایتلری جنگریلردن تازهلنگندن کیین مملکتنینگ شمال شرقی بدخشان و قندوز ولایتلریگه باریشنی تیلگه آلگن.
جنرال دوستم، بیر هفته ایچیده بوتون شمالی ولایتلرنی داعش و قوراللی طالبلردن تازلهشی بارهسیده تاکیدله گن. اسلامی جنبش حزبینینگ اورین باسری مسعود احمد "مسعود" نینگ سلام وطندارگه ایتیشیچه، بوگون ایرتلب فاریابنینگ پشتونکوت تومنیده جنرال دوستم رهبرلیگیده عملیات باشلنگن. هنوزگچه خواجه موسی منطقهسی قوراللی طالبلر تصرفیدن آزاد قیلینگنی تاکیدلنهدی.
جناب مسعودگه کوره، هنوز گچه 20 قیشلاق جنگریلردن تازه لنگن. شونینگدیک پشتونکوت تومنیده جنگری طالبلرنینگ 120 تهسی قولگه آلینگن.
افغانستان جمهور رییسی نینگ بیرینچی اورین باسری بوندن اوچ آی آیدن هم قوراللی طالبلرنی نابود قیلیش اوچون شمالی افغانستان نینگ جوزجان و فاریاب ولایتلریده ییریک حربی عملیات اوتکزیگن ایدی.
لیکن، جنرال دوستم مملکت پایتختیگه قیتیش بیلن جنگریلر نظارتیدن چیقاریلگن ایریم حدودلر قیتهدن طالبلر اشغالیگه اوتدی.
