.jpg)
غور محلی مسئوللری و مذکور ولایت 7 تومنی خوفسیزلیک رسمیلری نینگ ایتیشلریچه، اوچ آیدن بویان اوشبو تومنلردهگی امنیتی کوچلرنینگ آذیق-آوقتی یکونلنگن و شونینگدیک اولر دکاندارلردن قرضدار بولگن.
غور ولایتی نینگ شهرک، تولک، تیوره، دولینه، پسابند، چهارسده و ساغر تومنلری مذکور تومنلردن دیر.
مذکور تومنلر ولسواللری نینگ سلاموطندارگه ایتیشیچه، بو موضوع نیچه مرته ولایت مقامی بیلن اورته گه قوییلگن، بیراق حاضرگچه بو توغریده هیچ قندی اقدام بولمهگن.
غور ولایتی شهرک تومنی ولسوالی محمد کبیری نینگ ایتیشیچه، امنیتی کوچلرگه اعاشه ییتیشمسلیگی امنیتی کوچلرنینگ دشمن گه قرشی اوروشه آلمسلیگی نینگ سببی دیر.
غور ولایتی تولک تومنی ولسوالی سلیمان یوسفی نینگ اورغولب ایتیشیچه، امنیتی کوچلرنینگ بوندهی وضعیتی گه توجه بولمهگن صورتده، اولردن کوپینچهسی وظیفهسینی ترک قیلیشی ممکن.
تیوره تومنی پولیس قومندانی حبیبالرحمان ملکزاده نینگ ایتیشیچه، عسکرلرنینگ آذیق-آوقتی اوچ آیدن بویان یکونلنگن و شونینگدیک مذکور عسکرلر آذیق-آوقت تیارلش اوچون بو تومن دکاندارلریدن قرضدار بولگنلر.
شو توغریده:
- غورده جاری ییل نینگ بیرینچی 5 آییده تینچ اهالی قربانلری آشگن
غور ولایتی گه اونلرچه «شبهلی» عایله کیرگن
هرات-غور قتناو یولیده طالبان تامانیدن ییرلشتیریلگن ماینلرده تینچ اهالی قربانلیک بیرهدی
.jpg)
دولینه تومنی ولسوالی طاهر افضلی بو توغریده اوز خواطرینی بیلدیریب ایتیشیچه، کوپنیچه سعی و حرکتلر بیلن حاضرگچه بو قیینچلیک نی حل قیله آلمهگنلر.
شونینگدیک مذکور تومنلر محلی مسئوللری نینگ ایتیشیچه، ولایت مرکزی تامان بارهدیگن تومنلرنینگ برچه قتناو یوللری طالبان آرقلی ماین ییرلشتریلگن و کیمسه مذکور تومنلردن باریب-کیله آلمهیدی.
شونینگدیک غور مدنی فعاللری بو موضوع نی خواطرلی دیب ایتیشلریچه، دولتی مسئوللر آچ قالگن امنیتی کوچلردن خوفسیزلیک تأمینلنیشی نی کوتیب تورمهیشلری کیرهک.
بیراق غور حاکمی سوزلاوچیسی عبدالحی خطیبی نینگ ایتیشیچه، حاضر یالغیز پسابند و چهارسده تومنیده امنیتی کوچلرگه آذیق-آوقت یوباریش خصوصیده قیینچلیک بار و باشقه تومندهگی امنیتی کوچلرگه آذیق-آوقت یوباریلگن.
اونگه کوره، مذکور ایکی تومن قتناو یوللری باغلنگنی اوچون امنیتی کوچلرگه آذیق-آوقت یوباریلمهگن.
