کیچیریش خلق ارا تشکیلاتینینگ ینگی ترقتگن گزارشیده کیلیشیچه، افغانستاندهگی عیاللر حق حقوقینینگ مدافعهلری ایریم تهدید، جنسی زورلنیش و ترورچیلیک قیینچیلیگی بیلن روپهره بولگن. مذکور تشکیلات مسؤوللریگه کوره، اوتگن 14 ییلده عیاللرنی قولگه کیریتگن یوتوقلریگه قرهمی، افغانستان دولتی و دنیا جماعهچیلیگی بولرنی یلغوز قویگن.
مذکور گزارش« اولرنینگ حیاتی خطر آستیده» نامی بیلن، افغانستان فعال عیاللری توغریسیده بولیب کیله دیگن خشونتلر حقیده یازیلگن. اونده پولیس، اوقیتوچی یا مجلسدهگی خلق نمایندهلری و ولایتی کینگش دهگی عیاللردن 50 تهسی بیلن صحبت اوتکزیلگن.
اونده، 13 ولایت(کابل، هرات، زابل، قندهار، هلمند، سرپل، فاریاب، قندوز، ننگرهار، جوزجان، بادغیس، لغمان و پروان) عیاللری کیریتیلگن.
کیچیریش خلق ارا تشکیلاتینینگ گزارشیده کیلیشیچه، افغانستانده عیاللر حق حقوقی مدافعهلری قرشیسیده روی بیرگن خشونتلرنی 50 ته سیدن گینه بیرته سیگه ییتیشیلگن. افغانستان دولتی روی بیرده دیگن زوروانلیکلرنی بیلهدی، اما اولرنی کورمسلیککه اورهدی.
کیچیریش خلق ارا تشکیلاتینینگ عمومی کابتی سلیل شتی نینگ ایتیشیچه، افغانستاندهگی عیاللر حق حقوقی اوچون ایلغار عیاللردن داکترلر، خلق نمایندهلری، اوقیتوچیلر، پولیس، خبرچیلر وباشقه فعاللر، نه فقط طالبلر تامانیدن تهدید بولگن، بلکه دولت ایریم رسمیلری و اوروشچنلر آرقهلی هم نشانگه آلینه دیلر.
کیچیریش خلق ارا تشکیلاتیده تیکشیروو مسوولی خانم حوریه مصدق نینگ بیلدیریشیچه، فعال عیاللر طالبلر تهدیدیدن تشقری، والیلر، مجلس نمایندهلری و پولیس قومندانلری تامانیدن ولایتلریده تهدید بولهدیلر.
عیاللر حق حقوقی مدافعهلرینینگ موترلری و ییش بنالریده بمب قویش و اولر عایله اعضاسینی اولدیریش، خشونتلر مذکور گزارشده اشاره بولگن.
بیز دولتدن ایستهیمیز عیاللر توغریسیده بولیب کیلهدیگن خشونتلر آلدینی آلمی، خشونت اوتکزیلگندن کیین تدبیر آلیش کیرهک ایمس. دولت عیاللرنی قوریش اوچون مکلف دیگن جناب شتی.
کیچیریش خلق ارا تشکیلاتیگه کوره، بیرتاماندن افغانستانده عیاللر حق حقوقی عملی بولمیدی و ینه بیرتاماندن ایسه، دنیا هم جمعیتی عیاللر حق حقوقی مدافعلری اوچون اونچهلیک اعتبار قیلمهگن.
شونینگدیک خشونتلر بیلن روپهره بولگن عیاللر فعاللریدن ماریابشیر و سمیرا حمیدلر دولتدن جدی شکلیده اعتبار قیلیشلرینی سورهگن.
اوشبو فعال عیاللرگه کوره، عیاللردن حمایت قیلیش و دولت بیلن عیاللر مدافع نهادلری ارا اویغونلیک کیلیشی بیلن بیرسیستم یوزه گه کیلمه گونگه قدر، عیاللرنی اجتماعده حضورلری آزهیشی ممکن.
کیچیریش خلق ارا تشکیلاتی نینگ عمومی کاتبی نینگ ایتیشیچه، مذکور گزارشنی ملی بیرلیک حکومتی نینگ جمهور رییسی، اجرایی باشلیغی و رولاغنی لر بیلن شریک قیلگن و مذکور قضیه لرگه ییتیشیش وعدهسینی بیرگنلر.
تبعیضسیز امنیت تأمین ایتیش، خشونت قیله دیگنلرنی محکمه گه تارتیش، عمومی ادارهلردن آزار و اذیت قیلیش مدنیتینی یوق ایتیش بحثلری، کیچیریش خلق ارا تشکیلاتی نینگ افغانستان دولتیدن قیلگن ایستکلری جملهسیدن.
مذکور تشکیلاتگه کوره، افغانستان کیلهجگی انیق لنمهگن تامان کیتماقده و بوندهی بیر حالده دنیا جماعه چیلیگی مملکتنی یلغوز قویش اوچون خواطر موجود.
