بغلان ولایتی کینگش باشلیغی محمدصفدر محسنی نینگ سلاموطندارگه ایتیشیچه، اوشبو ولایت گذرگاهنور تومنی طالبان نظارتیگه اوتگن.
اونینگ ایتیشیچه، طالبان جنگریلری پولیس قومندانلیگی و تومن بناسیده جایلشگن و فرنگ تومنی اوستیگه هجوم قیلیش اوچون تیارگرلیک آلماقدهلر.
گذرگاهنور تومنی نینگ ولسوالی عبدالرحمان اندرابی نینگ بو خبرنی تصدیقلب ایتیشیچه، امنیتی کوچلر و طالبان گروهی آرهسیده یوز بیرگن آتیشمهلر نتیجهسیده، امنیتی کوچلردن 5 تهسی یرهلنگن دیر.
اونینگ ایتیشیچه، طالبان گروهی گذرگاهنور تومنینینگ پولیس قومندانلیگی بناسینی اوتگه تارتیب و بیر پولیسنی اوزلری بیلن آلیب کیتگن.
بیراق، بغلان پولیس قومندانلیگی سوزلاوچیسی جاوید بشارت نینگ بو خبرنی رد قیلیب ایتیشیچه، طالبان گروهی ایکی کون آلدین گذرگاهنور تومنی اوستیگه هجوم قیلگن ایدی، بیراق امنیتی کوچلر تامانیدن کیینگه اوریلگنلر.
اونینگ ایتیشیچه، امنیتی کوچلر حاضرده تومن بناسیده جایلشگنلر.
ایتیلیشیچه، ملی مدافعه وزیرلیگی نینگ سرپرستی اسدلله خالد و ایچکی ایشلر وزیرلیگی نینگ سرپرستی مسعود اندرابی اوتگن کونی بغلان ولایتیده باریب مذکور ولایتده بولگن تهدیدلرنی نابود قیلیش اوچون حربی بیر عملیات یولگه قویلیشی ممکنلیگینی بیلدیرگن ایدیلر.
شوتوغریده…
