تشقی ایشلر وزیرلیگی سرپرستی محمدحنیف اتمر نینگ ایتیشیچه، طالبان 400 محبوسی نینگ قوییب یوباریلیش جریانی کیلهجک هفته یکونلنهدی و افغانستانلیکلر ارا سوزلشوولر تیزلیککه باشلنهدی.
اوتگن "پنجشنبه" کونی جناب اتمرنی آمریکا تینچلیک انیستیتوتی بیلن تصویری صحبت اوتکزیب ایتیشیچه، طالبان محبوسلریدن 400 تهسی نینگ قوییب یوباریلیشی بیلن حکومت تامانیدن قوییب یوباریلگن طالبان سانی 5600 گه ییتیشهدی.
طالبان 400 اعضاسی نینگ قوییب یوباریلیشی خصوصیده تینچلیک مصلحتی لویهجرگه قراریدن سونگ، اوشبو محبوسلرنینگ 80 تهسی قوییب یوباریلگن.
جناب اتمر طالبان گروهی دن، تعهدلریگه عمل قیلیب و قوییب یوباریلگن محبوسلرنینگ قیتهدن اوروش میدانیگه باریش اوچون رخصت بیرمهیشلرینی سورهگن.
تشقی ایشلر وزیرلیگی سرپرستی نینگ کوپهیتیریشیچه، حاضرده افغانستانلیکلر ارا سوزلشوولر برابریده بولگن بوتون موانعلر کوتاریلگن و سوزلشوولر اوچون زمینه یرهتیلگن.
اوتگن کونی ملی مصالحه کینگشی باشلیغی عبدالله عبدالله نینگ ایتیشیچه، کیلهجک هفتهده افغانستانلیکلر ارا سوزلشولرنی باشلهنیشی ممکن.
افغانستانلیکلر ارا سوزلشوولرنینگ بیرینچی دورینی 26 اسد ده قطر باشکنتی دوحه شهریده یولگه قویلیشی خصوصیده قرار قیلگن ایدی؛ بیراق طالبان گروهی و امنیتی کوچلر محبوسلرینی قوییب یوباریلیش جریانی تکمیل بولمهگنی سبب باشلنمهگن.
