پارلمان نمایندهلریدن بیرقطاری ناقانونی پوللر یوویلیش قانونی تورتینچی مادهسی اوزگریشیگه قرشیلیک کورسهتیب، حکومت تمانیدن بو قانوننی اوزگرتیریلمسلیگینی سورهدی.
بو قانوننینگ تورتینچی مادهسی اوزگرتیریش تکلیفی حکومت تمانیدن ایتیلگن، پارلماننینگ دوشنبه کونگی ییغنیده مالی و بودجهوی کمیسیون تمانیدن ارایه بولدی، بیراق بیرقطار نمایندهلر جدی تنقیدیگه روپهره بولدی.
ناقانونی پوللر یوویلیش قانونی میلادی 2014- ییل 16- جون پارلمان نمایندهلری تمانیدن تصدیقلندی.
پارلمان نمایندهلری بو لایحهنی حکومتگه یوبارگن ایدی و حکومت اونگه ایریم اوزگریشلر کیلتیردی، اونده، تورتینچی ماده اوزگرتیریش لایحهسی هم شامل.
مذکور قانون تورتینچی ماده سیگه کوزهتیلیشیچه، 1381- ییلدن کیین برچه دولتی و غیر دولتی ماللر تیکشیریلهدی.
بیراق حکومت مذکور قانون عملگه آشیریلیش زمانی1381- ییلدهگی پیتینی 1392- ییلدن باشلب عملگه آشیریلیشینی پارلمانگه پیشنهاد قیلدی.
پارلمان نمایندهلرینینگ بو توغریدهگی فکرلری ایریچه. پارلمان بیرینچی اورین باسری ظاهر قدیر، حکومت تامانیدن اوزگرتیریش پیشنهادینی ایشانچ آواز آلیشیگه اورغولهدی، نتیجهده کوپینچه سلبی آواز بیلن مجلس تمانیدن رد بولدی.
لایحهنینگ نمایندهلر تمانیدن رد ایتیلگن دلیلی؛ اوتکن 10 ییل ایچیده افغانستانگه کیلگن سانسیز
آقچه «پول» ترتیب سیز خرجتگه اوتگن. انه شو سبب بو قانون 1381- ییلدن باشلب عملگه آشیریلیشی لازم ایدی. عین حالده حکومت زمانگه اوزگریش کیلیشنی ایستهگن.
پارلمان نمایندهلریدن بیری محمد عبدهنینگ مذکور تورتینچی ماده اوزگرتیریلیش توغریسیده ایتیشیچه، مجلس تمانیدن بو قانون اوزگرتیریلیشی تصدیقلنگن حالده، حقیقتده اوتکن 13 ییلده بولگن تالانلرقانونلنهدی.
عین حالده باشقه بیر قطار نمایندهلر بو قانون اوزگرتیریلیشیدن حمایت قیلدیلر.
پارلمان نمایندهلریدن بیری شکریه بارکزی مذکور قانوننینگ اوزگرتیریلیشینی حمایت قیلیب ایتیشیچه، هیچ بیر زمان قانون کیینگه قیتمهیدی.
ناقانونی پوللر یوویلیش قانونی اوتکن ییل 8 فصل و 70 ماده بیلن پارلمان نمایندهلری تمانیدن تصدیقلنگن ایدی و جمهور رییس تمانیدن تیکشیریلیشی بیلن رسمی جریده آرقهلی ترقهتیلدی.
ایتیلیشیچه، بو قانون سرمایه یاتقزیشگه یخشی زمینه یره تهدی. افغانستان و خلق ارا بانکی معاملهلرگه ایجابی تاثیر تشلهیدی.
بوندن آلدین افغانستان و خلق ارا ادارهلری بوقانون پارلمان نمایندهلری تامانیدن تصدیقلنمهگنی توغریسیده خواطر بیلدیرگن ایدیلر. ایتیلیشیچه مذکور قانون میلادی 2014- ییل 23- جنوریده تصدیق لنمهگن صورتده؛ افغانستان بانکلری دنیا مالی ادارهلری تامانیدن قاره روی خطگه آلینیشی کوتیلردی.
