افغانستان جمهور رییسی محمداشرف غنی امریکه کانگریسیده بولگن بیرینچی نطق سوزیده افغانستان باشقه دنیا جماعه چیلیگیدن تیلنچیلیک قیلمی، بلکه یاش ملی کوچلری قدرتی بیلن اوز ایاغیگه تورهدی دیگن.
غنی، کیلگوسی اون ییلده افغانستاننی اقتصادی نقطه نظردن اوز ایاغیگه توریشیدن سوز بیرگن.
غنینینگ ایتیشیچه: «بیز باشقه ایندی تنبل خلق ایمس» یاشلری کوچینی ینگی یولده فایدهلنهمیز.
جمهور رییس اشرفغنی نینگ امریکه کانگرس اعضالریگه ایتیشیچه، افغانستان ترورچیلرنینگ تهدیدیده بولگن بیرینچی خطده تورگن.
جمهور رییس، افغانستاندهگی ترورچیلرنینگ برچه تهدیدلری منطقه و جهانگه قرهتیلگن، اما افغانستان آلغه باریشی بیلن بیرگه بو ییر القاعده و ترورچیلر اوچون گورستانگه ایلنهدی دیگن.
جنابغنی، افغانستان مخدر مادهلری کنترول بولمهگنده، بوتون دنیا اوچون ییریک قیینچلیککه ایلهنیشیدن آگاهلنتیرگن.
شونینگدیک جمهور رییس داعش افغانستانده اوز فعالیتینی باشلب صفینی کوچلنتیریشگه اولگورگن دیگن. اونینگ سوزلریگه قرهگنده، داعش یالغوز افغانستان اوچون ایمس، بکله مرکزی آسیا گه هم اولکن تهدید سنلهدی.
جنابغنی، ترورچیلرنی شکست بیریشگه منطقهوی همکارلیککه احتیاج بارلیگینی تیلگه آلگن.
بوندن آلدین افغانستان جمهور رییسی امریکهگه سفر قیلمسدن آلدین طالبلر بیلن تینچلیک مذاکرهگه اولتیریش ایتیلردی؛ اما ایریم گزارشلرده، تینچلیک مذاکره اوچون طالبلر حرکتی اورتهسیده قرهمه قرشیلیکلر تاپیلگنی معلوم قیلینهدی.
بو خصوصده کانگرس اعضالریگه گپیرگن غنی: «افغانستان حکومتی قدرت موضعیدن طالب بیلن تینچ لیک مذاکره گه اولتیرهدی» شوکبی او، طالبلرالقاعده یا-ده افغانستان خلقی بیلن بولیشنی تنلشلری کیرهک دیگن.
جمهور رییسغنی نینگ کانگرس اعضالریگه تینچلیک مذاکرهلری خصوصیده ایتیشیچه: « بیزنینگ اساسی اداره منطقهوی بیر اجماعگه ایریشیش» بو حقده چین، عربستان و قطر بیلن صحبت قیلینگن.
شونینگدیک مملکت رهبری، امریکه جمهور رییسی بارک اوبامانینگ 2015- ییل پایانیگه قدر 9800 امریکهلیک حربی عسکر افغانستانده قالیشی توغریسیده آلگن قراریدن منتدارلیک بیلدیرگن.
اونگه کوره، امریکا و اوباما همکارلیگی بیلن حاضر افغانستان ملی قوشینی مملکتنی مدافعه قیلیش کوچینی تاپگنلر.
عین حالده، جمهور رییسغنی اوز سوزی دوامیده افغانستان ینه بیر مرته ترورچیلر مرکزیگه ایلنمسلیگی بارهسیده تاکیدلهگن. غنی، افغان ملی کوچلری 2014- ییلده خوفسیزلیک مسوولیتلرنی خلق ارا کوچلریدن اوز ذمهلریگه آلیش بیلن روحیهلری کوچلگنلیگی خصوصیده علیحده تاکیدلهگن.
اسلام تینچ لیک دینی بولگن لیگینی ایتگن غنی، دنیا بویلب اسلام نامینی سوء استعمال قیله دیگن ترورچی گروهلر اسلام بیلن هیچ قندهی علاقهسی یوق و اولرنینگ توغریسیده اسلام دنیاسینی جیم توریشی زوروانلیکنی تصدیقلش معنیسیده ایمس دیگن. افغانستان رهبرینینگ سوزلری امریکا کانگرس اعضالرینینگ خوش قرشیلشلرگه سبب بولدی.
شونینگدیک غنی پاکستان ملی اردوسینینگ هجومی نتیجهسیده مینگلب افراطی طالب افغانستانگه اوتیب، مملکت امنیتینی قیینچلیککه دوچار قیلگن لیکلریگه اشاره قیلگن.
ترورچیلر پاکستاننینگ شمالی وزیرستانیده بو مملکت ملی کوچلری تامانیدن هجوم آستیگه آلینگنده افغانستانگه اوتگن لیکلرینی تصدیق لهگن جناب غنی.
عین حالده جمهور رییس غنی افغانستانلیک عیاللر دنیا بولیب ایریم بولیملر جمله دن تجارت ساحهسیده اولیشلری سیزیلرلی بولیشینی معلوم قیلگن.
اونگه کوره، تورت عیالنی کابینهنینگ اعضاسی صفتیده تَنیشتیرگن و برچه وزیرلیکلرده هم عیاللرنینگ حصهسینی معین قیلهدی.
اوتگن هفته کابلده اولدیریلگن فرخنده بارهسیده گپیرگن جمهور رییسغنی، خیابانلرده عیاللرگه اذیت ییتکزه دیگنلر بیلن جدی یاندهشیلیشینی تیلگه آلگن. شونینگدیک جمهور رییسغنی امریکه قوشمه ایالتلریگه همجمعت فقرا ترقیاتی اوچون کورستگن یاردم لریدن منتدارچیلیک اظهار قیلگن.
