طالبان گروهینینگ تخار ولایتی بهارک تومنیدهگی فعالیتلری کوپهیگنی و اخیرگی کونلرده اوشبو گروه جنگرهلرینینگ تومن مرکزیدهگی هجوملری باعث یوزلرچه عایله بدرغه بولگن.
امنیتی کوچلر و طالبان آرهسیده صورت تاپگن آتیشمه نتیجهسیده بهارک 4 قیشلاقینینگ یشاوچیلری اویلرینی ترک قیلگنلر.
ملمه قیشلاغینینگ یشاوچیسی محکمتاشنینگ ایتیشیچه، ناتینچلیک باعث اوینی ترک قیلگن. اونینگ ایتیشیچه، محل یشاوچیلری اویلرینی ترک قیلیب باشقه منطقهلرگه بدرغه بولگنلر.
تخار ولایتی بهارک تومنینینگ ولسوالی فیضالرحمان حیدرینینگ ایتیشیچه، اوتکن ایکی کون جریانیده کمیده 600 عایله بدرغه بولگن.
تخار ملی خوفسیزلیک ریاستی باشلیغی داکتر گلستاننینگ سلاموطندارگه ایتیشیچه، قورالی طالبلر اوتکن ایکی کون جریانیده بهارک اطرافیده بولگن قیشلاقلرده یرلشگن ایکنلر؛ بیراق اوتکن کیچه امنیتی کوچلر تامانیدن یولگه قویلگن عملیات نتیجهسیده 15 طالب هلاک و باشقه 20 طالب یرهلنگن.
گلستان گه کوره، طالبان نظارتیگه بولگن منطقهلر حاضرده امنیتی کوچلر کنترولی گه دیر.
تخار ملی خوفسیزلیک اداره باشلیغینینگ ایتیشیچه، اوتکن ایکی کونده قورالی طالبلر قندوز ولایتینینگ دشتارچی و آقتاش تومنیدن تخار ولایتینینگ بهارک تومنیده کیلگن ایکن.
عینحالده تخار ولایت کینگشی اعضالری بیر خبری ییغین آرقهلی طالبان گروهینینگ فعالیتلری کوپهیشیدن خواطر بیلدیریب و مرکزی حکومت دن طالبان فعالیتیگه توسیق بولیش اوچون بیر عملیات یولگه قویشینی سورهگنلر.
