اولکه جمهور رییسی جنگری گروهلر فعالیتی افغانستان چیگرهلریدن اوتگن و حاضر چین و باشقه منطقه اولکهلرینی تهدید قیلهدی دیگن. جناب غنی بومطلبنی بوگون توشدن آلدین شانگهای یاردملیک تشکیلاتی اولتیریشی چیکهسیده بیان قیلدی.
اوتگن کون ایرتهلب جمهور رییس غنی حکومت بلند مرتبهلی بیرهیأت باشلیغی بولیب شانگهای عضوی بولگن اولکهلر 15- اولتیریشیده ایکی کونلیک سفریده روسیه بریکس شهریگه باردی.
جناب غنینینگ چین جمهور رییسی بیلن روسیه اوفای شهرینینگ هال سناسیده قیلگن اوچره شوویده ایتیشیچه، افغانستان حکومتی چین اولکه سیگه ناتینچلیکلر اوتمسلیگی اوچون کورهشهدی. اما بوتوغریده چین اولکه سینینگ یاردمیگه جدی نیاز بار؛ نیگه کی، ینگی تهدیدلر چین، روسیه و منطقه اولکهلری اوچون بولیب کیلماقده.
جمهورلیک سراییدن ترقهتیلگن خبرنامهده کیلیشیچه، بو اوچرهشووده جمهور رییس غنی جناب جینپینگ گه قرهتیب، منطقه تروریستلرینینگ تهدیدلری تثبیت بولیشی اوچون بیر لایحه ایجاد ایتیلیب، منطقه اولکه لرینینگ جنگری گروهلرگه قرشی سیاستلری انیقلنتیریلسه دیگن.
شونینگدیک جناب غنی منطقهیی پروژهلر عملگه آشیریلیش اهمیتیگه تأکید قیلیب، بوپروژهلر عملگه آشیریلمهگن بیرحالده، منطقهده امنیت تأمین بولمسلیگی ممکن دیگن. اولکه جمهور رییسی، چین جمهور رییسیدن «ایپیک یولی » پروژهسی اوچون کوپراق سهم آلیشینی ایستهدی، نیگه کی؛ بو ایش ایکی اولکه نفعگه بولیشی کوزهتیلهدی.
خبرنامهده کیلیشیچه، جمهور رییس، جناب «شی» دن اولکهگه امنیت تأمین ایتیلیشی اوچون پاکستاننی تینچلیک سوزله شیشلری بارهسیده یخشی راق آلیب اوتیشیگه ترغیب قیلیشینی ایستهگن.
چین جمهور رییسی هم ملی بیرلیک حکومتی ایجاد ایتیلیشی بیلن ایکی اولکه رابطهسی یوکسلگنی باره سیده اشاره قیلگن. شونینگدیک او، چین و افغانستان ارا بولیب اوتگن عقد نامهدن آت توتیب، افغانستانلیک هیأت ایکی اولکه ارا یاردملیکلر یولینی تاپیش اوچون چینگه چقیریش وعده سینی بیردی.
شی جینپینگ افغانستان حکومتینینگ امنیت تأمین ایتیش و چینلیک سوداگرلرنی سرمایه یاتقیزشلری حقیده توجه قیلگنلیگی بارهسیده آلقیشلهدی.
او، امیریکه، چین و افغانستان ارا بیرگهلیک رابطهلر و یاردملیکلر بارهسیده هم پیشنهاد قیلگن، تا اوچ تامانلمه سوداگرلیک کمیته ایجاد بولیب آلدینکیدن کوره رابطهلر یوکسهلیشینی سورهگن.
شونینگدیک چین جمهور رییسینینگ ایتیشیچه، افغانستان و طالبلر گروهی ارا بولیب اوتهدیگن تینچلیک سوزلهشیشلریدن حمایت قیلهدی و مذکور سوزلهشیشلرنی تیزلهتیش اوچون هرقندهی یاردملیک بولسه دریغ قیلمهسلیک وعدهسینی بیرگن.
اوتگن کون جمهور رییس بریکس باشلیغلری اولتیریشیده هم قتنشگن ایدی.
جمهورلیک سرایدن ترقهتیلگن خبرنامه گه کوره، جناب غنی بو اولتیریشده افغانستاندهگی جاری اوروشلرگه اشاره قیلیب ایتیشیچه، مذکور اوروش، منطقه کوپلب اولکهلرینینگ امنیت و دولتدارلیک نظاملرینی خطرگه روپهرو قیلیشی ممکن.
اوشبو اولتیریشده جناب غنی تروریستی گروهلر تشکیل، تمویل بولهدیگن منبعلری، نغوذلهنیب باریشی و بولرنی یوکسهلیب باریشی توغریسیده هم صحبت قیلگن و مذکور گروهلر نابود ایتیلیشی اوچون منطقه دولتلری نینگ بیرگهلیک فعالیت و یاردمیگه جدی نیازیمیز بار دیگن.
ایش بیلرمانلرگه کوره، حاضرگی شرایطده شانگهای و بریکس عضوی بولگن اولکهلرنینگ افغانستان امنیتی و اقتصادی بولیملریده اهمیتلیک بیلهدیلر و افغانستان سیاستچیلری بو یاردملیک قولگه کیرتیش اوچون باید برچه تلاشلرینی خرج قیلسهلر.
شانگهای تشکیلاتی 2001- ییل منطقهده نیچه تامانلمه امنیت، اقتصاد و فرهنگ بولیمیده یاردملیک قیلیش اوچون قوریلدی.
چین، روسیه، قزاقستان، تاجکستان، اوزبیکستان و قیرغیزستان اولکهلری اصلی عضو و شونینگدیک افغانستان، ایران، هند، پاکستان و مغولستان مذکور تشکیلات ناظر عضوی بولگن.
«بریک» هم ینگی یوزهگه کیلگن بیش اقتصادی اولکه –برازیل، روسیه، هند، چین و جنوبی افریقا اولکه لری بونده عضودیرلر.
بریکس تشکیلاتینینگ عضوی بولگن اولکهلر منطقه وجهان جریانلریگه نفوذلی تأثیرقویهدیگن اولکه لردن دیر. بو اولکهلردنیا بویلب43 فایز نفوذنی اوز ایچیگه آلهدی و دنیا ناخالص تولیداتیدن 30 فایزی شو اولکهلرگه کیتهدی.
اوشبو مملکتلر دنیا مالی نظامیگه اصلاح کیلیش و اونینگ ثباتلی و ایش بیرهدیگن نظامگه اوزگریشینی ایستهگنلر.
