جوزجان‌لیک عیاللرگه داعش گروهی ترورچیلیک تعلیمات بیره‌دی

جوزجان ولایتی‌نینگ درزاب تومنی گه ننگرهار ولایتیدن کیلگن کمیده 20 جنگری داعش، عیاللرگه ترورچیلیک تعلیمات بیره‌دی.

درزاب تومنی سرپرستی امان‌الله نینگ سلام‌وطندارگه ایتیشچه، داعش گروهی گه تیگشلی بولگن 20 چیت ایللیک جنگری ننگرهار ولایتی‌نینگ اچین تومنیدن جوزجان ولایتی‌نینگ درزاب تومنی‌گه کیلیب، مذکور تومن‌نینگ مغل قیشلاغیده بیر هفته جریانی‌ده ایکی مرته 50 دن 60 گچه عیال‌نی ترورچیلیک خصوصیده تربیه‌لیدی.

جوزجان ولایت کینگشی باشلیغی بابر ایشچی و درزاب تومنی‌نینگ یشاوچیسی باز محمد داورنینگ ایتیشچه، داعش گروهی گه تیگیشلی اوزبیکستانلیک جنگریلر عیاللر و باله‌لرگه قورال قوللنیش‌نی اورگه‌ته‌دیلر .

بیراق جوزجان حاکمی‌نینگ سوزلاوچیسی محمدرضا غفوری، اوشبو موضوع دن خبرسیزلیک بیلدیریب و بو موضوع توغریسیده تیکشیروو باشلنگنیدن خبر بیره‌دی.

جوزجان ولایتی‌نینگ درزاب و قوش‌تپه تومنلری ناتینچ تومنلردن بولیب و داعش گروهی مذکور تومن‌لرده کینگ شکلده فعالیت قیله‌دی. جوزجان محلی رسمی‌لری‌نینگ ایتیشیچه، نیچه مرته مرکزی حکومت دن تازه‌لش عملیات یولگه قوییلیشی طلب قیلینگن، بیراق حاضرگه‌قدر هیچ قنده‌ی دقت قیلینمه‌گن.