قطار ملالر همده طالبلرگه وفادارشخصلر بوگون پاکستانده ملاعمر اورنیگه تعین ایتیله دیگن شخص بارهسیده قرار قبول قیله دیلر. مذکور ملالر همده طالبلرگه وفادار کیشیلر نیچه کوندن بیری طالبلر رهبری سَیلنگنی اوچون اورتهگه چیققن معمانی حل قیلیش اوچون واسطه چیلیک قیلهدی.
طالبلر اورتهسیدهگی قرمه قرشیلیکلر ملاعمر وفاتیدن کیین ملااخترمحمد منصور اونینگ اورنیگه تعین ایتیلگن دن کیین اوج آلدی.
اوشبو سیلاو ملاعمر عایلهسی اینیقسه ملاعمرنینگ اوغلی ملامحمدیعقوبنینگ جدی عکس العملیگه روپه ره بولدی. او، منصور اوز طرفدارلری تامانیدن تعین ایتیلگن لیگینی ایتگن.
ملاعمر خانهدانینینگ سوزلاووچیسی همده ملااخترگه مخالف شخصلردن ملاعبدالمنان نیازی نینگ اوتگن کون عاموی اخبارات واسطه لریگه ایتیشیچه، مذکور ملالر گروهی هم بو لر بیلن همده ملا منصور بیلن اوچرشگنلر.
پاکستان اکسپرس تریبون کوندهلیگینینگ عبدالمنان نیازیگه اساسلب یازیشیچه، بوگون که آلینه دیگن قرار ایکی طرف تامانیدن هم تصدیق لهنیشی کوتیلهدی.
ملامنصور، ملاعمر وفاتی اعلان ایتیلیشیدن بیر کون اوتیشی بیلن اونینگ اورنیگه تعین ا یتیلگن ایدی.
باشقه تاماندن ملاعمرنینگ سابق سوزلاووچیسی عبدالحی مطمئن نینگ سوزلریگه کوره، کویته کینگشی نینگ کوپچیلیک اعضالری ملامنصوردن حمایت قیلهدی.
اونینگ سوزلرگه کوره، طالب ینگی رهبریگه قرشیلیک بیلدیرگن ایریم بلند مرتبهلی طالبلر 14 ییل اوروشده روللری بولمهگن.
اونینگ پاکستان کوندهلیگیگه ایتیشیچه، ملاعمر هیچ بیر زمان اوزخانهدانی رهبرلیک «آغیر مسؤولیت»آلیشنی ایستمهگن.
عین حالده، ایریم خبرچیلر، یازووچیلر و سیاسی ایش بیلرمانلرنینگ پنجشنبه کونی پاکستانده سلاموطندارگه ایتیشلریچه، ملا منصور حاضر طالبلر حرکتی رهبری صفتیده تعین ایتیلگن.
اونگه کوره، منصور کیلگوسی ایکی آی ایچیده انتحار، پارتلش و قوراللی هجوملر اویوشتیریش بیلن افغانستان حکومتیگه اوز قدرتینی اثبات قیلهدی.
عین حالده، اوتگن 24 ساعت ایچیده فقط کابلده اوچ پارتلش عملگه آشیریلدی. اوتگن اون اوچ ییلده سابقهسی بولمهگن انتحاری هجوم پنجشنبهدن جمعهگه اوتر کیچهسی کابلنینگ شاه شهید منطقهسیده عملگه آشیریلدی.
توننینگ یریمیده صادر ایتیلگن بو پارتلشده 15 کیشی قربان بولیب، کمیده 400 آدم یرهلنگن ایدی.
