افغانستان تینچلیک لایحهسی بوییچه آمریکا خاص نمایندهسی زلمی خلیلزاد بیر توییت آرقهلی، طالبان گروهی و افغانستان حکومتی تامانیدن 3 کونلیک آتیشکیسین اعلان قیلینیشینی خوش قرشیلگن.
جناب خلیلزاد، قربان هییتی افغانستانلیک آرهسیده کیلیشوو و حرمت کیلتیریب و تینچلیککه یقینلشتیریشدن امیدوارلیک بیلدیرگن.
شونینگدیک، افغانستان بوییچه بیرلشگن ملتلر تشکیلاتی نینگ اورین باسرلیک هیأتی یا-ده یوناما، هییت کونلریده افغانستان دولتی و طالبان تامانیدن آتیشکیسین اعلان قیلینشینی خوش قرشیلب و محبوسلرنینگ قوییب یوباریلیشی و زوروانلیک کمهیتیریلیشی بیلن افغانستانلیکلر ارا سوزلشوولر باشلهنیشی مملکنلیگینی بیلدیرگن.
عینحالده، افغانستان بوییچه اروپا بیرلیگی نینگ نمایندهسی هم بیر توییت آرقهلی، اوچ کونلیک آتیشکیسین دن حمایت بیلدیریب و ایکی تامان اوشبو معنیدار سمبولنی تاریخی بیر فرصتگه اوزگرتیریشی کیرهک دیگن. اروپا بیرلشمهسی اوچ کونلیک آتیشکیسینی زورانلیکلر کمهیتیریلیشی و سوزلشوولر باشلهنیشی اوچون یخشی فرصت عنوان قیلگن.
اوتگن "سهشنبه" کونی طالبان گروهی بیر اعلامیه آرقهلی، جنگریلریدن هییت کونلریده هیچقندهی عملیات اویوشتیرمهیشلرینی سورهگن.
