لوگر ولایتی رسمیلرینینگ ایتیشیچه، مذکور ولایت خوشی تومنی بیرینچی مرته 14 ییلدن کیین، محکمهگه ایگه بولهدی.
لوگر والیسی سوزلاوچیسی سلیم صالحنینگ سلاموطندارگه ایتیشیچه، حاضرگه قدر مذکور ولایت تومنلری یریمیدن کوپراغیده قارهلاوچیلیک و محکمه موجود ایمس دیر.
اونگه کوره، اوشبو محکمه ولایت حاکمینینگ یوزکونلیک برنامهسی اساسیده، قوریلهدی.
شونینگدیک صالحنینگ ایتیشیچه، طالبلر تیزیمی مغلوبیتگه اوچرهگنیدن کیین، بو بیرینچی مرتهکیم، عدلی و قضایی ادارهلری تامانیدن، مذکور تومن خلقینینگ قرهمه قرشیلیگی و دعوالریگه ییتیشیش خصوصیده، ایش بولهدی.
عین حالده، خوشی تومنی محلی رسمیلری آتی فاش ایتیلیشینی ایستمهی، مذکور تومن خلقینینگ، یوزلرچه قرهمه قرشی دعوالری طالبلرنینگ صحرایی محکمهلریده حل بولیشینی ایتکن.
شونینگدیک لوگر حاکمی محمدحلیم فدایینینگ انچه پیت آلدین سلاموطندارگه ایتیشیچه، مذکور ولایت خروار، چرخ و ازره تومنلرینینگ خلقی حقوقی قیینچیلیکلری و دعوالرینی حل ایتیش اوچون، دولت اورنیده طالبلرگه مراجعت قیلهدی.
انه شوندهی فدایینینگ ایتیشیچه، مذکور ولایت تورت تومنیده قارهلاوچیلیک و دولتی محکمه موجود ایمس دیر.
