افغانستان یشاوچیلریدن بیرقطاری، ایران نینگ چیگره کوچلری تامانیدن اولدیریلگنی گه قرشی کینگ عکسالعمللر دوامیده، مرکزی و جنوبی آسیا ایشلری بوییچه آمریکا تشقی ایشلر وزیرلیگینی اورین باسری آلیس ویلز، بو واقعهنی «دهشتلی» دیب و بو قضیه جدی شکلده تیکشیریلیشینی سورهگن.
دوشنبه دن سهشنبه گه اوتر کیچه نینگ کیچ پیتیده خانم ویلزنینگ اوز توییتر صحیفهسیده، اوشبو شفقتسیز واقعه عامللری تانیلیب و جزالنتیریلیشی کیرهک.
شونینگدیک، اوتگن کون افغانستان بوییچه انسان حقوقی ایرکین کمیسیونی بیر اعلامیه نشر قیلیب افغانستان یشاوچیلری بیلن ایران چیگره کوچلری نینگ یاندهشینی «فلاکتلی، شفقتسیزلیک و کیچیریلمس» دیدی.
انسان حقوقی ایرکین کمیسیونی، مملکت نینگ تشقی ایشلر وزیرلیگی، انسان حقوقی عالی کمیشنری و بیرلشگن ملتلر تشکیلاتی نینگ باشپناه ایزلاوچیلر بوییچه عالی کمیشنری دن اوشبو واقعه تیکشیریلیشی اوچون هیأت تشکیل ایتیشلرینی سورهگن. مذکور کمیسیون نینگ اعلامیهسیده کیلیشیچه، بو واقعه تیکشیریلیشی گه علاوه، بوندهی واقعهلرنی آلدی آلینیشی اوچون عامللری تانیلیب و جزالنتیریلیشی کیرهک.
ایران نینگ چیگره کوچلری تامانیدن اویوشتیریلگن واقعه جریانیدن قوتیلگنلردن بیرقطاری نینگ سلاموطندارگه ایتیشیچه، اولر هرات ولایتی نینگ گلران تومنی گه تیگیشلی دهانه ذوالفقار منطقهسیده ایران پولیسی تامانیدن توتقونگه آلینگن و عسکرلر قیناققه سالگنیدن سونگ، برچهسینی هیرمند دریاسی گه تشلهگن.
بیراق، ایران تشقی ایشلر وزیرلیگینی سوزلاوچیسی سیدعباس موسوی، بو خبر نشر قیلینگنیدن سونگ، ایتیشیچه: «بو واقعه افغانستان توپراغیده یوز بیرگن و ایران اسلامی جمهوریتی نینگ چیگرهچیلری، بو توغریده ایران توپراغیده هرقندهی واقعه یوز بیرگنینی رد قیلهدی.»
اونگه کوره، موضوع اهمیتلی بولگنی باعث، بو واقعه تیکشیریلیشی اوچون افغانستان دولتی گه یاردم بیرهدی.
قوتیلگن مهاجرلرنینگ سلاموطندارگه ایتیشلریچه، سانلری 57 کیشی گه ییتیشر ایکن و بو آرهدن 23 کیشی جان بیرگن. اولرگه کوره، ایران نینگ چیگره کوچلری، اولرنی «دریاگه تشلشلری یا-ده آتیب اولدیریلیشی توغریسیده آگاهلنتیرگن.» اوشبو مهاجرلر غرق بولیشدن آلدین بیر کیچه-کوندوز ایران نینگ چیگره کوچلرینی قماغیده ایکن.
افغانستان بوییچه انسان حقوقی ایرکین کمیسیونی نینگ ایتیشیچه، غرق بولگنلر و قوتیلگنلرنینگ دقیق رسمی اثباتلنیشی اوچون تیکشیروولرینی باشلهگن.
عین دمده، بوگون ایرتهلب هرات یشاوچیلریدن بیرقطاری، ناراضیلیک بیر نمایشده بو واقعه جدی شکلده تیکشیریلیشینی سورهگن. اولرنینگ ایتیشلریچه، بو واقعه جدی شکلده تیکشیریلمهگن صورتده، هرات ولایتیده ایران قنسولینی باغلهیدیلر.
