جمهور رییس غنینینگ ایتیشیچه، افغانستانده اقتصاد یوکسهلیشی، تونیق و ایشانچلی بانکدارلیک توزومی بولمهگن صورتده ممکن ایمس دیر.
جناب غنی دوشنبه کون، کابلده مرکزی بانک باشلیغینینگ تانیشتیریش چاغیده ایتیشیچه، افغانستانده اوتکن ییللر بانکدارلیک لایحهسی یخشی بولیب و کوزگه کورینرلی یوتوقلربیلن منطقهده تینگسیز بولگن.
جناب غنینینگ ایتیشیچه، افغانستان بانکلری قیسقه مدتده، منطقه بویلب اینگ کته پولی معاملهلرنی عملگه آشیریشگه قادر بولگن.
جناب غنینینگ کوپهیتیریشیچه، بانکدارلیک مملکت یوکسهلیشی توغریسیده اساسی رول اوینهیدی و کابلبانک قضیهسی، افغانستان بانکدارلیگیگه جبران قیلیب بولمس زیان ییتکیزگن.
جمهور رییس غنیگه کوره، کابلبانک قضیهسی مملکت بانکدارلیگیگه قاره صحیفه دیر و بانکی خذمتلر اورنیده، یشاوچیلرنینگ پولینی آلیب قاچگن. اونینگ ایتیشیچه، کابلبانک قضیهسی حل بولماقده.
عین حالده، مرکزی بانک ینگی باشلیغی خلیل صدیقنینگ ایتیشیچه، مملکت بانکدارلیک توزومی جدی قیینچیلیکلرگه روپهره بولیب تورگن، تونیق و قانونی توزوم ایجاد ایتیش اوچون، جدی صورتده سعی و حرکت قیلیشی لازم.
جناب صدیق، مدیریت کوچسیزلیگی و قانون سیزلیکنی، کابلبانکدهگی مالی قیینچیلیک اصلی دلیلی دییدی.
اونینگ سوزبیریشیچه، تونیق لایحه و خلق برابریده اوز مسؤولیتینی احساس بیلن عملگه آشیرهدی. جناب صدیقگه کوره، برچه مسلکی کوچلردن مملکت بانکدارلیک سیستمهسی یخشی بولیشیگه ایشآلهدی.
ملی بیرلیک حکومتی تشکیل ایتیلگنیدن بویان، مملکت نینگ اینگ مهم پولی ادارهسی سرپرست آرقهلی باشقریلر ایدی.
