بو کونلرده بغلان دولتی بیلیمیورتی نینگ بیش فاکولتهسی امنیتی کوچلرنینگ پوستهسیگه اوزگرگن کیم مذکور فاکولتهلر پلخمری شهری نینگ ایکینچی خوفسیزلیک حوزهسیدهگی حسین خیل منطقهسیده قرار تاپگن.
مذکور بیلیمیورت طلبهلریدن بیر قطاری نینگ ایتیشلریچه، بیلیمیورت درسلری باشلنگنیدن کمیده بیر آی اوتماقده، بیراق اولر اوروش باعث درسلریگه حاضر بوله آلمهگن.
تحصیلی نی ادامه بیریش اوچون کنر ولایتدن کیلگن بغلان دولتی بیلیمیورت طلبهلریدن بیری نینگ ایتیشیچه، امنیتی کوچلر و طالبان گروهی آرهسیده آتیشمه یوزبیریشی اولرنینگ درسلریگه ضرر ییتیشتیرگن. اونگه کوره، بغلان بیلیمیورتی بیر اوروش منطقهسی نینگ ایچیده قرار تاپگن.
مذکور بیلیمیورت طلبهلریدن قطاری نینگ ایتیشلریچه، بو بیلیم یورت گه یول تاپگنلریدن بیری فکرلری اوروش و اوقلرنی سنهش بیلن شغللنگن.
اولرگه کوره، اَیریم پیتلر امنیتی کوچلر بیلیمیورت نینگ ایچیگه قاچیب کیرهدی و بو ییردن طالبان اوستیگه اوق آتیشهدی.
بغلان دولتی بیلیمیورت باشلیغی عبدالقدیر مهان نینگ ایتیشیچه، کوندهلیک اوروش گه علاوه امنیتی کوچلر مذکور بیلیمیورت دیواری نینگ بیر قسمی نی تخریب قیلیب و بیلیمیورت اطرافیدن طالبلرگه اوق آتیشهدی.
اونگه کوره، مذکور امنیتی کوچلری نینگ برقی نی مصرفی هم بیلیمیورت ادارهسی تامانیدن توللنهدی.
اونینگ کوپهیتیریشیچه، بو موضوع حقیده نیچه مرته شکایت قیلگنلر، بیراق محلی و مرکزی حکومت حاضرگچه بو قیینچیلیک نی حل قیلمهگن.
بغلان ولایتیده اردو نینگ اوچینچی لوا قومندانی نبیالله نبیزاده نینگ ایتیشیچه، اولر امنیتی تهدیدلر و شونینگدیک حربی کینگش نینگ بویروغی اساسیده امنیتی کوچلرنینگ بیلیم یورت ایچیگه جایلشتیرگن.
بغلان بیلیمیورتی نینگ فاکولتهلری اوچ اَیری بولیمده قرار تاپگن. مذکور بیلیمیورت نینگ ایکینچیلیک فاکولتهسی پلخمری شهری نینگ شرقی نی ۳۰ کیلومترلیگیده، اقتصاد،انجنیری، ادبیات و ژورنالیزم فاکولتهسی شهر شرقی نینگ ۲۰ کیلومترلیگی و شونینگدیک بیلیمیورت ریاستی، اداری بولیملر و شرعیات و تعلیم و تربیه فاکولتهلری پلخمری شهری نینگ مرکزیده قرار تاپگن.
مذکور بیلیمیورت گه ۳۰۰۰ قیز و ایرکک طلبه تحصیل آلیش بیلن شغللنگن.
