افغانستان ایچکی ایشلر وزیرینینگ ایتیشیچه، امنیتی ادارهلردهگی تعیین ایتیشلرگه علاقه و شخصی سلیقهلر درکار بولمهگن تقدیرده، آلتی آیده افغانستان بویلب امنیتنی تأمین ایتهدیلر. اونینگ اورغولشیچه، بیرگن سوزی عملگه آشیریلمهگن صورتده، مملکت بویلب هر بیر واقعه یوزبیرگن تقدیرده مسؤولیتینی اوز ذیمهسیگه آلهدی.
نمایندهلرنینگ سوراقلریگه جواب بیریش اوچون سنامجلسیده چقیریلگن جناب جاهدنینگ کوپهیتیریشیچه، ییل باشلنگنیدن بویان قوراللی طالبلر 1251 هجوم اویوشتیرگن. جاهدگه کوره، شونچه مدتده امنیتی کوچلر، طالبلرگه آغیر زیان ییتکیزگن.
ایچکی ایشلر وزیرینینگ ایتیشیچه، ییل باشلنگنیدن بویان، امنیتی کوچلر کوپینچه یوتوققه ایریشگن و امنیتی کوچلر بیلن طالبلر اورتهسیده یوزبیرگن توقنهشوولر نتیجهسیده، کمیده 700 طالب هلاک بولیب و باشقه 500 دن آرتیق جنگری طالب یرهلنگن.
تاجمحمد جاهدنینگ ایتیشیچه، طالبلر شونچه مدتده بوتون دقتینی شمالی ولایتلرگه قیلگن و شونینگدیک، قندوز سقوطی اوروش عملیاتلرینی بیرینچی رویخطیده قرار تاپگن ایدی، بیراق مقصدلریگه ایریشه آلمهدی.
جناب جاهد، امنیتی کوچلر یوتوقینی اولرنینگ اورتهسیدهگی اویغونلیککه دیب بیلهدی. ایچکی ایشلر وزیریگه کوره، حاضر افغانستاننی 10 ولایتیده قوراللی طالبلرنی تازهلش اوچون، تورلی حربی عملیاتلر دوام ایتماقده.
