هلمند ولایتینینگ گرشک، گرمسیر تومنی و قتناویوللریدهگی امنیتی پوستهلرده بیر آیدن بویان کمیده 60 امنیتی عسکر سرلی شکلده قتل ایتیلگن.
مذکور ولایت یشاوچیلری، امنیتی کوچلرنینگ نارسمی شکلده پولیس صفیگه آلینیشی و پول بدلیگه بیرقطار امنیتی کوچلرنینگ جایلشتیریلیشینی اوشبو اولدیریشلر اصلی عاملی دیب بیلهدی.
اوشبو یشاوچیلرنینگ ایتیشیچه، امنیتی کوچلردن ضمانت آلینگن صورتده، باشقه بوندهی واقعهلرگه گواه بولمه یدیلر.
گرمسیر تومنیده قتل ایتیلگن عسکرلردن بیرینینگ آتهسی ژیرگل، امنیت ییریک رسمیلرینینگ مدیریت کوچسیزلیگیگه عیبلب ایتیشیچه، اوشبو رسمیلر خبرسیز شکلده بنگی کیشیلرنی پولیس صفیگه آلهدی. اونگه کوره، اوغلی بیلن باشقه 6 همراهسی شوندهی بیر شکلده قتل ایتلگن.
ژیرگلگه کوره، مذکور تومنده بوندهی واقعهلر نیچه مرته تکرار بولگن.
عین حالده، هلمند والیسی میرزاخان رحیمی سلاموطندار بیلن اوتکزگن صحبتیده، امنیتی پوسته رسمیلری و پولیس کوچلری قومندانلرینینگ بو توغریده دقتسیزلیککه عیبلب و بو واقعهلر توغریسیده ایچکی ایشلر وزیرلیگینینگ آگاهلنتیرگنینی ایتکن.
جناب رحیمی، بوندهی بیر هجوملرنی باشقریش خصوصیده، ایریم لایحهلرنی قولگه آلگنی و پولیس کوچلرینینگ قتلیگه سبب بولگنلرنی قانونگه تاپشیریشینی بیلدیرگن.
هلمند ولایتی پولیس قومندانلیگی معلوماتیگه کوره، نیچه هفته جریانیده اوشبو عسکرلر مذکور ولایت جنوبی و شمالی منطقهلریده هلاک بولگن، اولرنینگ کوپیسی دلیلسیز و سرلی شکلده قتل ایتیلگن.
