افغانستان ناشرلر بیرلیگی مسوللرینینگ ایتیشیچه، ایشلری حق تکثیر قانونی اجرا ایتیلیش توغریسیده تقنینی بویروق بیریلگندن بیری یخشی بولگن.
اما، بو ناشرلر افغانستان بازارلریده کتاب باسمه دن چیقاریش و ترقه تیش اوچون سالم رقابت بولمهگنیدن شکایت قیلهدیلر.
افغانستان بویلب ناشرلر بیرلیگی اورین باسری دکتر اجمل عازم، یکشنبه کونگی کابلده یولگه قوییلگن بیش کونلیک کتاب کورگزمهسی نینگ بیرینچی کونیده قیلگن چیقیشیده ایتیشیچه، کپی رایت قانونی اجرا ایتیلگندن کیین افغانستانده کتاب باسمه دن چیقاریش و ترقه تیش ایشی یخشی بولگن.
بو کورگزمه حکومت رسمی لری، مدنی فعال لر و یازوچیلر اشتراکی بیلن کتاب هفته سی مناسبتی بیلن افغانستان کتاب ساتووچیلر و ناشرلر بیرلیگی تامانیدن کابل شهری آسمایی خیابانیده جایلشگن بابرشاه مرکزیده اوتکزیلدی.
جناب عازم گه کوره، افغانستان دولتی نینگ ییریک قیله جک ایشلریدن بیری، کپی رایت قانونینی اجرا ایتیش ایدی، بو ایش افغانستان یازوچیلرینی فرهنگی ایشلرگه قیزیقیش گه امیدوار قیلگن.
ملی کورگزمه لر یولگه قوییلیشی کون ساین یخشی لهشیب بارماقده، بو ایسه افغانستان کتابلری خلق ارا کورگزمه لریده اشتراک ایتیش اوچون زمینه لر یرهتهدی.
حق تکثیر قانونی لایحهسی 1387 – ییلده سابق جمهور رییس حامدکرزی تامانیدن بیریلگن فرمان اساسیده تصدیق بولگن ایدی.
جناب عازم گه کوره، مذکور فرمان بیریلگندن کیین، افغانستان ناشرلری آسیا و اروپا کورگزمه لریده اشتراک ایتکنلر.
1391- و 1393- ییل تهرانده اوتکزیلگن کورگزمهده افغانستان 15 مملکت ایچیده بیرینچی اوریننی کسب قیلگندی.
جناب عازم نینگ ایتیشیچه، فرهنگی بولیم و ناشرلردن قانونی حمایت ایتیلیشی اولرنی یوکسلیشی گه سبب بوله دی؛ بیراق حاضرگه قدر بو ایش عمل گه آشیریلمهگن.
افغانستان بویلب ناشرلر بیرلیگی اورین باسری نینگ ایتیشیچه، مملکتده 3 دولتی مطبعه و 150 خصوصی مطبعه فعالیت قیلیب کیلماقده، بو مطبعه لر بازار احتیاج لرینی کمیده 90 فایزینی حل ایتهدی.
بیراق کابل شهری ناشرلریدن بیرقطاری، پاکستانده صفت سیز کتابلر چاپ ایتیلیشی افغانستان ناشرلری اوچون سلبی تاثیر قویگن.
لیکن، مساله اوچون افغانستان اخبارات و مدنیت وزیرلیگی هم جدی یانده شمهگن.
تاک انتشاراتی مسؤولی ذکیه میرزایی نینگ سلام وطندارگه ایتیشیچه، دولت تامانیدن بو خصوصده دقت قیلینیشی لازم.
« دولت بو توغریده دقت قیلمهگن صورتده ناشرلر ایشی رواجلنمیدی».
دیمک افغانستانده 153 چاپ خانه فعالیت قیلیب کیلماقده؛ بیراق حاضرگه قدر درسی کتاب لر چیت ایلده باسیمدن چیقاریلهدی.
ناشرلرگه کوره،دولت، معارف وزیرلیگی درسی کتابلر و یازیلگن اثرلرنی مملکتده گی مطبعه لر ده باسیمه دن چیقاریب ترقتسه، افغانستان اقتصادی اوچون ییریک ایجابی اهمیت گه ایگه.
