طالبلرنینگ بمب جایلشتیریلگن موتری اوز آرهسیده پارتلشی عاقبتیده 10 کیشی جان بیرگن.
اوشبو حادثه جوزجان ولایتی نینگ مردیان تومنیده یوزبیرگن.
سلاموطندارگه صحبت بیرگن جوزجان پولیس قومندانی عبدالواحد وجدان نینگ ایتیشیچه، طالبان بو موترنی جوزجان – بلخ قتناو یولیده پارتلهتیش نیتیده ایکن، بیراق مقصد گه یتیشمسدن آلدین اوز آرهلریده پارتلهگن.
جناب وجدان گه کوره، اوشبو پارتلشده طالبان گروهی نینگ باشقه 4 اعضاسی یرهلنگن.
جوزجان پولیس قومندانی نینگ کوپهیتیریشیچه، طالبان آیاسآی بویروغی اساسیده، دولتی تأسیساتلرنی نشانگه آلیش نی ایستهیدی.
شونینگدیک مذکور ولایت محلی مسئوللری جوزجان ولایتی نینگ آقچه تومنیده 3 کوپریک طالبان آرقلی تخریب ایتیلگنیدن خبر بیرگن.
طالبان حاضرگچه بو توغریده هیچ بیر نرسه دیمهگن.
شو توغریده:
