پکتیکا ولایتی برمل تومنی نینگ یشاوچیلری، پاکستان حربیلری دیورند چیگره سیدهگی اورمانلر و اینیقسه جلغوزه درختلرینی کیسیب آلیب کیتماقده دیدیلر.
یشاوچیلرگه کوره، دیورند چیگرهسیده طالبان جنگریلری هم کوپلب کورینهدی، یشاوچیلرپاکستان حربیلریگه قرشی بیر ایش قیلماقچی بولسهلر، طالبان توسیق چیقهدی.
مملکت جنوبشرقیدهگی 303 سپینغر زونی نینگ قومندانی اسدالله شیرزاد پاکستان حربیلری تامانیدن جلغوزه درختلری کیسلیشینی قبول قیلهدی، اما افغان امنیتی کوچلری اولرنی بو ایشلری آلدینی آلگن دیدی.
شونینگدیک، برمل یشاوچیلری حکومتدن بولردن دفاع قیلیش اوچون جدی عمل قیلیب و افغانستان توپراغیدن پاکستاننی تجاوز قیلیش ایشلری آلدینی آلسین دیدیلر.
بوندن آلدین هم افغانستان توپراغیگه کیلیب پاکستان ارهلشهدی دیگن گزارشلر ترقهتیلگن ایدی. حتی افغانستان چیگرهسیگه راکت اوریش قضیهسی کوپلب یشاوچیلرنی آچیغلنتیردی.
