.jpg)
تخار ولایتینینگ دشتقلعه تومنی کمیده 20 کون آلدین، امنیتی کوچلرنینگ کینگ بیر عملیاتی نتیجهسیده طالبلردن تازهلندی. مذکور گروه جنگریلری اوشبو تومندن چیقهیاتگن چاغیده، اهالی گه تیزلیکده قیتیب کیلیشلرینی ایتگن ایکن.
حاضر دشتقلعه تومنی ولسوالی قیوم قانع نینگ سلاموطندارگه ایتیشیچه، طالبلر قیتیب کیلگن و تومن مرکزی گه یقین منطقهلرنی نظارت گه آلگن.
جناب قانع گه کوره، طالبلر بو مرته اهالینینگ تیریکچیلیگینی باشقریش اوچون قاعده چیقارگن و بو قاعده اساسیده، عیاللر بازار بارمهسی و تلویزیون کورمهسی کیرهک.
دشتقلعه ولسوالینینگ ایتیشیچه، اوتگن جمعه قوراللی طالبلر تومن مرکزی گه یقین نیچه مسجد ده نطق سوزلب و یاشلردن اولرنینگ صفی گه قوشیلیشلرینی سورهگن.
.jpg)
شونینگدیک، دشتقلعه یشاوچیلریدن بیرقطاری آتی فاش ایتیلیشینی ایستمهی سلاموطندارگه ایتیشیچه، قوراللی طالبلر عقللی تلیفونلردن یاشلر فایدهلنیشی، عیاللر تامانیدن تلیفون قوللنیشی و تلویزیون دن فایدهلنیشنی منع قیلگن. یشاوچیلرگه کوره، طالبلر سقالی تراشلنگن کیشیلرگه اولرنینگ نظارتیده بولگن منطقهنی ترک ایتیشگه 24 ساعت وقت بیرگن.
تخار پولیس قومندانلیگی سوزلاوچیسی خلیل اسیرنینگ ایتیشیچه، تالقان شهریده اعتراضچیلرنینگ خوفسیزلیگی تأمینلنیشی اوچون امنیتی کوچلر مشغوللیگی سبب، طالبلر دشتقلعه تومنینینگ قیشلاقلریدن بیرقطارینی نظارت گه آلیب و قانون چیقارگن.
ایشانچلی امنیتی بیر منبع دن سلاموطندارگه ییتیشگن معلومات گه کوره، 100 جنگری طالب قاری بسمالله، امان، زید، نظامی و حقانی بویروغیده دشتقلعه تومنیده فعالیت قیلهدی.
دشتقلعه محلی ادارهسیدن بیر منبع نینگ ایتیشیچه، مذکور تومنده طالبلرنینگ فعالیتی کینگهیگنی باعث، درقد، ینگیقلعه، خواجه بهاءالدین و چاهآب تومنلرینینگ قتناو یولی ترافیک یوزیگه یاپیلگن.
