تخار ولایتی کلفگان ولسوالیگی چهارتوت قیشلاغی نینگ یشاووچیلری، بو ولسواللیک نینگ ایرانده دارگه تارتیب اولدیریلگن بیش یشاووچی سینینگ جسدینی توپراققه تاپشیردیلر.
مذکور بیش کیشینینگ یقین قرینداشلریگه کوره، بولر ایرانده مخدر مادهلر قاچاقی عیب بیلن اوشله نیب اولدیریلگنلر. ولسواللیک نینگ قطار یشاووچیلری اوشبو جسدلرنی توپراققه تاپشیریش مراسمده ایتیشلریچه، کلفگان ولسواللیگی نینگ باشقه 25 یشاووچی سی ایرانده دارگه تارتیلیب اولدیریلیشلری کوتیلهدی.
دارگه تارتیلگنلردن بیری قسیم. او، بوندن اون بیش ییل آلدین ایرانگه قارنیده مخدر ماده آلیب اوتگنلیک عیبی بیلن اوشلهنیب حبسگه آلینگن. نهایتده قسیم دارگه تارتیلیب اولدیریلهدی. قشاقلیک و ایش سیزلیک مذکور ولسواللیک اهالیسینی مخدر مادهلر قاچاقی بیلن شغللهنیش گه مجبور ایتهدی.
بولر کوپینچه ایرانگه مخدر مادهلر آلیب بارگنلر. کلفگان ولسواللیگی چهار توت قیشلاغینینگ یشاووچیلریگه کوره، یقینلری تورمهدن چیقاریلیشی اوچون بار یوقلرینی ساتیب، محبوسلر آزاد ایتیلیشی اوچون وکیل مدافعه تعین ایتگنلرگه میلیونلب تومان توله گنلر.
اما، شونچه پول خرج ایتیلیشی بیلن محبوسلرنینگ تقدیری اوچون ایجابی نتیجه بیرمه گن. عین حالده، تخار ولایت سرپرستینینگ سوزلاووچیسی سنتالله تیمورگه کوره، کلفگان ولسواللیگینینگ یوزلب اهالیسی ایرانده مخدر مادهلر قاچاقی بیلن قولگه آلینیب عمر بار قملگن.
اولرنینگ کوپچیلیگینینگ دارگه تارتیلیش حکمی ایران دولتی آرقهلی صادر ایتیلگن. تخار ولایت بلند مرتبهلی رسمیلرینینگ سوزیگه کوره، اوتگن اوچ ییل جریانیده مذکور ولسوالیک نینگ 120 یشاووچسی دارگه تارتیلیب اولدیرگن.
ولسواللیک اهالیسی دولتدن فرزندلری ایران تورمه لریدن آزاد ایتیلیشی اوچون جدی سعی و حرکت قیلیشنی سوره گنلر. دولت بو بارهده اعتبار قرتمه گن حالده، قالگن محبوسلر هم دارگه تارتیلیشلری کوتیلهدی. شونینگدیک اوتگن ییل هم ایران دولتی قطار افغانستانلیکلرنی مخدر مادهلر قاچاقی عیبی بیلن قولگه آلیب، نهایت دارگه تارتیب اولدیرگن ایدی.
