دایکندی ولایتی محلی رسمیلری نینگ ایتیشلریچه، اوشبو ولایت نینگ کجران تومنی نی جنایی جرملرگه قرشی کورهش آمری اوچ یاشر بیر باله بیلن اولدیریلگن.
دایکندی ولایتی نینگ پولیس قومندانلیگی ده جنایی جرملرگه قرشی کورهش مسؤوللری نینگ ایتیشلریچه، کجران تومنی نینگ جنایی جرملرگه قرشی کورهش آمری عیسا ستیز و باشقه اوچ یاشیده بولگن بیر باله مذکور تومن نینگ «ناوه رود» منطقهسیده آتیب اولدیریلگن.
دایکندی ولایتیده جنایی جرملرگه قرشی کورهش مدیری محمد مجاهدنینگ ایتیشیچه، کجران تومنی نینگ جنایی جرملرگه قرشی کورهش آمری وظیفه اوچون «ناوه رود» منطقه سیگه بار ایکن، دوشنبه دن سهشنبه گه اوتر کیچه ساعت 9:30 ده یقینلریدن بیری نینگ اوییده قتل ایتیلگن.
اونگه کوره، اوشبو قتل سببی حاضرگهقدر بیللی بولمهگن و تیکشیروولر دوام ایتماقده.
کجران تومنی دایکندی ولایتی نینگ ناتینچ تومنلریدن بیری سنلهدی. بو تومن ایریم پیتلر طالبان و خوفسیزلیک کوچلری نینگ آرهسیده قتیق آتیشمهلرگه گواه بولهدی.
