ایچکی ایشلر وزیرلیگی نینگ ییریک امنیتی اورین باسری عبدالصبور قانع، هرات امنیتی وضعیتینی تیکشیریش مقصد ده اوشبو ولایتگه بارگن.
بوگون "شنبه" جناب قانع نینگ هرات ده خبری بیر ییغین اوتکزیب ایتیشیچه، تیکشیروولردن سونگ، اوشبو ولایت پولیس قومندانلیگی نینگ خوفسیزلیک آمری و امنیتی حوزهلردن 3 تهسی نینگ آمرلری شامل امنیتی مسووللردن 46 تهسی غفلت قیلگنی و فسادگه قوللری بولگنی سبب، چیکلنتیریلگن.
ایچکی ایشلر وزیرلیگی نینگ ییریک اورین باسریگه کوره، پولیس رسمیلریدن 12 تهسی وظیفهلرینی یخشی شکلده انجام بیرگنی باعث، تقدیرلنگن.
جناب قانع نینگ کوپهیتیریشیچه، او و تیمی ملی اردو و ملی خوفسیزلیک قطعهلرینی تیکشیرهدیلر و باشقه بیرقطار امنیتی مسووللرنی چیکلنتیریلیشی ممکن.
اونینگ ایتیشیچه، شهر نظمینی کنترل قیلیش و اوغیرلاوچیلیک، قتل و باشقه جرمی مواردلرگه توسیق بولیش اوچون بیر کمیته ایجاد ایتیلگن.
عینحالده، هرات حاکمی سید وحید قتالی نینگ ایتیشیچه، امنیتی کوچلر تشکیلاتیده اصلاحات کیلتیریش جریان دوام قیلماقده و غفلت قیلگن مسووللرنی چیکلنتیریلیشی ممکن.
